陶瓷刀

想買陶瓷刀好耐,之前係街邊檔, 工展會都見過, 但係嚴佢一買要2把(一係2把刀,一係一刀一個批平既刨), 又見有人話佢好易整到手好大獲, 所以...............拖下啦,又係個句啦,等唔用工人我先有機會用.

尋日亞嗲話報紙話 ok有陶瓷刀換喎,咁我咪叫佢去搵張coupon黎等我去睇下啦.亞嗲問左同事law左,但係要等到佢o完t番黎先可以去換.以我咁心急既性格梗係等唔切啦, 所以放工既時候走左去ok問下,咁樣一套$98 (一把刀,一塊針板同一個環保袋), 我見塊針板幾靚, 所以成交.

摸上手唔覺佢好利(當然我好小心咁模啦),遲d試下先知係咪真係傳聞中咁跨張了.

番到屋企,我千叮萬囑叫個工人唔好用, 同埋係唔俾佢用(通常我講過話唔俾佢用, 佢都真係無私自攞黎用既).我又同佢講, 話若洗呢把刀時(我用完叫佢洗既話),叫佢要小心d,話有人試過切到手要入醫院縫針.我再三叫佢記住要小心d!! (請工人就係咁, 仲慘過湊女,要講幾百次怕佢無耳性 ).

個針板都幾靚呀,等遲 d唔用工人先開黎用啦.

哈哈哈, 又有新野玩啦!! (亞嗲話要黎切魚生喎,佢話買魚生番黎俾我試刀喎.我話佢買佢切攞.)