今日終於正式剪彩啦, 所以就求其整左團麵粉黎洗下部機. 又順便試下熟習下部機點用, 同我自己覺得有咩問題.
初頭淨係搵個合適既檯面黎上死部機都已經轉左2次檯, 好彩, 吉人天相, 最後都搞得掂.
最初, 連壓麵團都kick 下kick下咁, 因為真係新手嘛, 後來先搵到個原因可能係個粉團太大舊, 改細左d 之後就無問題了.
初頭切意粉, 但係唔知點解切極都係........唔會分開晒既. 我估, 可能係個粉團濕得滯啩, 因為我真係求其倒水倒麵粉入去整個粉團出黎, 見佢痴住晒, 所以我估係水多既問題.
玩左呢個意粉4, 都唔好玩既......... 改為玩個闊麵那一個啦, 嘩, 呢個勁正呀, 野野都切開晒的, 好爽.
玩完之後又搓番埋一舊又再玩, 玩左差唔多成個鐘, 叫做掌握多左點樣同部機去配合.
洗完機, 當然就梗係要黎番舖堅既.
沒有留言:
張貼留言