係網上面睇見人地問點整金錢肚, 搞到我又好想食, 忍左2日都係忍唔到手, 今日放工去買晒d野番黎.
而家洗好晒個肚啦, 應該唔係好難洗, 我見工人都好快洗完. 我去check既時候都唔見有污糟野係度. 之後我自己再洗多一次, 確保乾淨.
一陣就可以整了, 整完聽日先食, 因為已經食左今日既晚飯了. 聽日食應該仲入味. 一陣再匯報.
********************************************************
尋晚整到10點幾, 所以由得佢浸係個煲啦, 無人得閒等佢涼左再放入雪櫃. 今朝番熱佢, 然後剪左佢. 因為唔記得左要落番多少少鹽, 所以唔夠喊!! 我只係食左一舊, 所以都唔太清楚係點. 不過夠晒林, 但係都仲爽口的.
食譜
材料: (呢個食譜我覺得唔夠滷水味, 要再改良)
牛肚一個，薑 3 片，米酒 2大匙(原食譜係1大匙)，蒜 2 小粒，乾辣椒2 隻(我無落)
調味料：
豉油半杯，酒 2大匙(原食譜係1大匙)，冰糖 1大匙，水 6 杯(原食譜係8杯, 我覺得4杯-5杯都夠了)，八角3個(原食譜2個)，
花椒粒2大匙(原食譜1大匙)，小茴香1大匙(原食譜半大匙), 老抽適量(原食譜無的), 鹽適量(原食譜無的).
做法：
1. 將牛肚刷洗乾淨，煲開半鍋水，放入薑 3 片與米酒2大匙，牛肚飛水去腥，撈出，分切成四大塊。把花椒、八角、小茴香裝入紗布袋中包好。
2. 鍋裡加熱2大匙油，炒香薑、蒜、乾辣椒，加入所有調味料，滾開之後，放入牛肚，湯汁再煮開時，轉小火，續煮約1個半小時至熟軟，熄火待涼。
3.原食譜係呢個時候就取出待涼. 我就因為係夜晚整,所以由佢浸係煲內浸過夜)
4. 撈出牛肚，切絲上碟，再淋上滷水汁即成。
評價:
夠晒林, 但仲爽口的. 唔夠滷水味. 總括都合格的, 但要改良.
