燒肉兩食

尋晚食剩既燒肉, 今晚用黎蚊冬瓜, 又另一個餸了.

10蚊店尋寶記

今日10蚊店有9折, 所以同老公去行下, 發現呢幾樽香草, 我貪佢細細樽, 因為我好少用的, 但係有時想整一d野又無, 係超市買又要2x蚊一樽, 所以又無買到. 而家細細樽, 12蚊, 有9折, 正, 合晒我要求.

下面那個黑色架係我特登買黎裝晒d 香草的, 可以一眼睇晒, 又整齊好多, 老公番到屋企見到我裝住晒d香草都話好.

燒鴨 encore - 非洲鴨

上回講到, 尋日去街市買五花腩後, 去佳寶睇下有咩買, 就係咁無啦啦又買多隻鴨番黎. 藉口係上次個細既病左未試過隻燒鴨, 所以今次整番俾佢食.

頭先上完皮, 我隻左手倦到頂唔住叫我老公黎幫我手拿起隻鴨, 真係好攞命, 若隻鴨再大隻d都唔知點算!!

燒完出黎變左非洲鴨, 又係因為有部份出唔到d色, 所以我係度係咁等等等佢, 最後就搞成咁了. 其實食落去就無咩野的, 係個樣衰law.  個味ok的, 我地成隻都只係食淨7, 8舊.

死因: 部份出唔到d 色, 令光得太耐, 黑左.