豬頭嗲

呢件事係亞嗲講番俾我聽的, 所以已經係第2日, 但事發係20號晚上.

亞嗲見d 用黎清潔既布太大塊, 所以佢就好好咁將d布剪番細塊d啦.  咁佢剪完之後見到地下有個手提電話headphone既頭, 佢一路執起佢黎掉, 一路心就鬧, 邊個pk咁q 衰, 個電話headphone 爛左唔掉去垃圾桶就咁掉係地下呀. 

當佢掉完之後, 坐番低係sofa.........................佢跟住見到自己個電話................望望下先發現點解無左個headphone頭既, 跟住佢先知道, 原來頭先佢剪塊布時連埋自己既電話headphone都剪爛埋..................

佢講俾我聽時, 笑到我標晒眼水...........我講番俾2隻野聽, 我笑左好耐都未講得出黎, 但係就笑到死左咁. 佢地唔明我點解咁好笑, until我講得晒出黎時佢地都笑死左.

嫁著一個咁豬兜既老公真係.......................... 攞命!! 剪爛左都算, 見到都唔知係自己既headphone仲要鬧人先攞命!!

而家佢又要走去買個新了.

 

芝麻醬三文治

因為前兩日買左樽芝麻醬試下, 所以就整左呢個芝麻醬三文治, 個味又真係ok喎, 因為我鐘意佢唔太甜, 但係又有甜味的. 原本買一樽的(因為未食過嘛), 見佢2樽平d, 就膽粗粗買左2樽啦, 好彩, 係ok的. 一陣問下亞嗲鐘唔鐘意食先.

*** 問左亞嗲啦, 亞嗲好大反應咁話好好食呀! (駛唔駛咁跨呀??) 都好彩, 大家都鐘意食, 唔係都唔知點算!

由於只係淨番一塊火腿既關係, 所以就整一份火腿三文治, 就切開一半, 我同亞嗲share.  另外再加埋上面既半份芝麻醬三文治, 咁就係我今日既早餐了.

部麵包機只係淨方包都真係可以幾多變化的, 睇你自己懶唔懶啦.