今晚食咩餸 - 2012年4月7日

今晚得我地3個食飯, 見仲有2個薯仔同5個蕃茄係到, 所以就煮左呢2個餸啦.  又俾我突然醒起仲有2盒日式咖哩係到, 所以就一於用埋佢啦.  原來2隻野都話唔肚餓的, 後來...............2個都話添飯, 我即刻寸佢地, 又話唔肚餓, 唔好添啦, 費事食滯你地啦. 跟住佢2個即刻燶晒!

1. 日式咖哩薯仔雞翼
2. 蕃茄鮮牛

清心火涼茶

有呢個格渣既野, 煲涼茶係慳好多功夫的, 煲完之後, 一拎起個野, 咁就唔駛再去慢慢格渣啦.  呢包涼茶煲完出黎有6, 7碗到啦, 我鐘意飲呢隻. 平時買開個間要$15一包, 今日行左一個商場, 賣$12/包, 仲要買2包$20, 所以一買就買左4包番黎.