西蘭花炒斑球 - 亞嗲出品

醃料:先落適量鹽, 胡椒粉, 撈勻後再加入蛋白撈勻, 放入雪櫃起碼半小時.

今日又去買餸, 又買左3斤梳羅魚同1斤紅衫魚滾湯.  再去到魚檔已經唔知買咩好, 又唔想食敏魚, 咁同亞嗲企係度諗左好耐, 見人地係度開緊一條班, 亞嗲話買佢啦. 我話: 點食呀? 亞嗲話蒸囖.  我話: 點蒸呀? (我總係覺得唔應該係蒸既, 但係又講唔出咩事.  亞嗲答我: 玩呀, 薑蔥蒸囖.  我無答佢.  問人呢條係咩斑, 人地話係 青斑.  跟住我先諗起, 人地咁樣切開係要黎炒架, 唔係要黎蒸架, 無人咁樣切黎蒸魚的.   我即時同亞嗲講: 你炒呀? (因為我懶唔想煮), 最後就決定整時菜炒斑球啦. 

問人幾錢一兩啦, 6蚊喎.  咁我就估呢件野50蚊啦. 亞嗲就估呢件野60蚊. 最後埋單係84蚊.  即係成14兩(睇樣又唔覺佢咁重喎). (每次我都會當game咁玩, 睇下自己估唔估得中的, 當然今次輸晒啦, 因為差成幾兩咁多)

然後又到諗買咩菜黎炒呢?? 因為呢排d 菜心唔係好靚咁, 咁又無理由炒白菜個d架. 好彩亞嗲諗到炒西蘭花, ok 就買西蘭花啦.  就係咁, 先好辛苦咁買完第一碟餸!! 仲有2碟要諗呀!!! (仲有2包金菇要食埋佢)

最後, 今晚食:

西蘭花炒斑球 (食左啦, 都幾好味, 只係喊左少少.........因為我太耐無煮飯, 所以醃既時候落多左鹽, 鐘意d 魚身唔太林, 亦唔鞋口. 2個西蘭花原來炒起黎咁鬼大碟.)

蝦醬蒸半肥瘦 (工人出品)

蠔油鮑汁鮮冬菇金菇繪西生菜 (工人出品)  (原本係炒翠肉瓜的, 因為又發現原來有成斤西生菜未食) (下次唔好落蠔油, 只落鮑汁便可啦, 而家2樣一齊落個味怪怪地)

湯: 紅衫魚湯 (工人出品)

(每碟餸都真係有血有汗呀!!)

而家仲未食得, 一陣亞嗲炒完先知好唔好食.

 

食肉菌偏方 - 抄低以防萬一

轉載文章

食肉菌偏方，大家抄低，以防萬一

話說狄波拉的飛機師老公阿江之哥哥，在馬來西亞被食肉菌侵蝕，由小腿爛上大腿，醫生鋸完小腿，又鋸大腿，然後另一條腿又跟住潰爛，向上蔓延；正當群醫束手無策之際，一位奇醫獻了一方，看似平平無奇，但出現奇績，數劑之後，竟將惡菌殺清，埋口痊愈。這次在香港相遇，阿江已將奇方交了給筆者（即亞樂），狄波拉好心腸，囑亞樂將之公開，希望幫到人，現將這條奇方再轉給大家：

杜仲五錢
紅棗十枚
黨參八錢
熟地五錢
杞子五錢

這五味並非煎藥，而係煲湯，即係與排骨或雞同煲。 注意:如煲雞必須先除雞皮，份量隨意，煲好兩大碗湯，於飯前飲下，每日一劑，直至潰爛埋口！ 食肉菌近年已在世界各地出現，美、加、香港也有，這類細菌包括海水中之弧菌、A型鏈球菌

和B型鏈球菌

．．．．等，其中B型鏈球菌

 

普遍存在於人體腸內，向來平安相處，但由於濫用抗生素，導致細菌突變，如人體免疫力降低，便被侵蝕。 在香港，此類球菌逐年上升，單是瑪麗醫院，去年便有五百多宗個案，兩年來已有五人被食肉菌吃掉，又有數十人被惡菌入血、上腦。

Empress 高功能調理機 (果汁機/豆漿機/熱飲機/磨粉機/攪肉機)減價呀!

剛剛睇到廣告呀, 部機而家做特價呀, 特價由9月16日至10月14日(最後幾日咋),特價只係$550咋, 超抵, 我舊年12月買要$6xx蚊呀. 而家平左成舊水........................ 真係跨張, 仲要係第一次見佢做特價咋. 咁平, 用到壞左/爛左都費鬼事拿去整, pat鬼左佢算, 整都要錢啦.

真係想買多部送俾人, 好想忍手, 但係平左咁多又好難忍手呀))))))))))))))))))))) 救命呀)))))))))))

想買又未買既好快d郁手啦, 你可以自己俾60蚊入會買 or 問我借# 買(唔駛show 卡的).

分店地址如下:

http://www.ecosreg.com/hongkong/tw_hk/announce/stockistCenters_hk.html

我尋日路過一間店, 見到佢標價$610 寫明係送會藉, 其實佢係搵人笨的, 因為件貨係550蚊, 佢收610蚊, 即係你俾左60蚊入會費並唔係真係送會藉俾你呀.  若你本身需要入會當然無問題啦, 否則就自己小心D啦.

學生餐一覽表 (附上三星期的餐單)

Menu for School (A)

	Monday	Tuesday	Wednesday	Thursday	Friday
Lunch	Creamy Corn w/rice 1.  Beef 2.  Egg 2 pcs 3.  Mixed vege 4.  Vege	#37 Pg 80 雜菌雞肉意粉 1.  Chicken Fillet 1pc 2.  Fresh Mushroom 3.  Shau chan gu 4.  Vege	Fried Egg Noodles 1.  Ham 2.  Mui Tau 3. Dried   mushroom   4.  Fried Eggs 5. Vege	#14 pg 36 菠蘿雞粒炒飯 1.  Pineapple 2.  Chicken Fillet 3.  Egg 4. Vege	Fried Spa w/ketchup 1. Beef 2. Mixed Vege 3. Onion 1/4 4. Vege

Menu for School (B)

	Monday	Tuesday	Wednesday	Thursday	Friday
Lunch	#21 Pg 38 雜菜蕃茄雞粒飯 1.  Chicken fillet 2. Mixed vege 3. Tomato 4. Onion 5.  Egg 6.  Vege	Fried Needles Noodles 1. Needles Noodles 2. Mui tau 3.Carrot 4.Crab meat 5. Vege	#21 pg 40 蕃茄肉醬意粉 1.  Beef   2.   Onion 3.  Mixed vege 4.  Tomato 5.  5. Vege	Fried Rice   1.  Dark green long bean If no, use dried mushroom 2.  Fresh fish   meat 3.  Egg  4.  Vege	#37  Pg 76 雞脾仔豉油皇炒麵 1. Mui Tau 2. Round Bundle noodles 3.Spring Onion 4.White Veg 5. Carrot 6. Chicken Drumstick 7.Vege

Menu for School (C)

	Monday	Tuesday	Wednesday	Thursday	Friday
Lunch	#21 pg 36 窩蛋免治牛鬆飯 1. Beef 2. Egg 3. Onion 4. Mixed Vege 5. Vege	#A7 pg 48 家鄉炒米 1. Mui Tau 2. Rice Noodles 3. Egg 4. White Vege 5. Vege	#30 Pg 70 粟米班塊飯 1.  Fish Fillet 2.  Egg 3.  Creamy Corn 4.  Vege	#39  Pg 62 香蒜腸仔牛肉茄汁螺絲粉 1. Sausage 2.Mixed vege 3. Beef 4. Vege	#A6 Pg 79 上海粗炒 1. Thick –Strand Oiled noodle 2.Mui Tau 3. Onion 4. Vege

為左兩隻野可以食得多d, 所以都花左d時間去設計上述3個禮拜既餐單, 務求多變化之餘又有肉有菜. 經過開學2個禮拜既試行,收集左用家既意見, 上述既餐單係再修改及調整過的. 放在bolg內是俾有需要既媽咪參考, 希望可以幫到佢地少少. 我自己就幾滿意呢個餐單既設計, 因為叫做平均, 又唔太悶咁啦. Lunch 我係以粉居多, 因為夜晚又食飯, 下午又食飯, 我唔想佢地咁悶.

* 個表貼左上黎之後唔知點解亂左, 就請各位將就一下啦.

** 亦由於個表入面既內容係俾工人睇既, 所以以英文打出黎. 有d 就係我同佢專用既terms. 例如: dried mushroon 就即係晒乾既冬菇. 若係街市買既鮮冬菇, 我就會寫fresh mushroom. 有d就係中文直釋出黎的, 方便佢係街市買, 人地識得聽佢要咩.

砂鍋雲腿花膠雲吞雞 & 味千拉麵 CROSS OVER

高速煲煲完的湯, 見到係黃色的.

落左隻雞煲完 1個半鐘之後的情況.

整雲吞既材料, 我鐘意d 餡多菜少肉的, 所以你見到係綠色的. 我用個empress 黎打爛 d菜, 因為我懶唔想用刀切.

包到唔夠餡包, 只係包左咁多咋, 淨番1/3既皮係度.

 

由於唔知煮咩好, 又好耐無整雞, 所以就整砂鍋雲吞雞啦, 又因為之前買左D 味千拉麵, 所以問 2隻野今晚想食飯定食麵, 佢地話麵, 咁就打算試下整完個雲吞雞到時 "陸"埋D麵黎食啦.  而家隻雞醃左成個鐘啦,

雲吞今次唔用即食的, 改為自己包, 又睇下個效果係點. (我唔識包雲吞的, 但求佢唔穿就算了).

食左啦, 個雲吞雞依然都係好味的. d 雲吞亞嗲話好味過上次工人包個d, 我諗係因為上次工人整到好干身同唔夠多菜.

但係d味配呢 d湯就真係唔夾的. 連湯一齊食時, 好似食緊上海麵咁, 但係..........又唔係真係完全似晒上海麵, 同埋d 麵好飽肚的, 所以食到一半大家都食到眼琼琼. 下次唔會再買呢隻麵黎食lu.

DIY 意粉量度器

呢個又係亞嗲應我既要求而做俾我的, 我就無用過, 唔知工人有無用過呢.

煮蛋提示器

呢個野我買左好多年了, 那時係睇報紙見到的, 由於我想整半生熟蛋, 所以就去搵黎買左一隻. 個時係CITYSUPER買69蚊, 而家好似貴左好多了.  見到佢個面都磨花晒就知係舊野啦.

用法好簡單, 將呢舊野跟埋隻蛋一齊落水, 開火, 若想整到半生熟, 就見到D顏色指到去MEDIUM時就要將蛋取出, 咁就得架啦. 不過我都好少用的.

飛禽走獸食物切花器

呢度係我儲左2年既收藏, 我最鐘意係蟹仔, 整完出黎最似.  隻鶴呢就好多時整完都會斷左隻腳的, 因為太幼易整爛.  原本想買埋隻豬的, 但係我見又好似唔係幾靚咁.

而家會好努力咁.....................叫自己唔好再買, 因為都夠晒有突. 除非又見到D 好靚既就唔敢講.