2010年既xmas,我放左差唔多2個禮拜大假. 咪以為好正,放假係做替工咋,工人番左鄉下清埋d annual leave嘛. 係頭個2日真係做到好死倦, 都有諗過若第時無工人咪死得啦. 但呢個念頭係之後既日子一日比一日淡啦. 應該係我開始去習慣呢種生活了.
有工人既日子, 我唔駛做家務,大大部份既野都係叫工人做便可. 但係都要為工人有時工作表現唔穩定而勞氣. 所以有得有失啦.
無工人既日子,講真,真係為左3餐而不停咁洗洗切切煮,一早9點頭起身就無停手,早餐都無食, 只係食lunch時可以坐係度40分鐘度. 食完跟手又入廚房洗碗, 煲湯, 炆野, 準備晚餐既餸. 我係度同亞嗲講,若有粒藥丸食左會飽既, 咁就可以慳番好多做野既時間亦真係做少好多野.
但係雖然係咁,2隻野被我train到由day1 咩都唔會幫手做到最後自動波知道自己要做d咩. 食完早餐佢地識得一個執碗, 一個執報紙&抹檯. 清完張檯, 佢地自己識得去sofa到摺衫. 摺完衫就開始做自己野. 到食lunch前就幫手開檯,攞報紙. 食完又係大兵執碗, 小冰收報紙及抹檯. 係後期,我見到大兵會自己幫小冰手. 小冰在大兵幫佢時,佢就去幫番大兵做另一樣野. 呢d野係有工人既時候無可能會出現的, 根本都無機會出現. 有晚亞嗲放假係度食lunch, 佢見到佢地自動波做野都嘩嘩聲.
呢d野其實係好少事,但係有工人既話佢地連呢d做野既機會都無埋,所以我成日都想2年後唔用工人就係咁解,我唔想佢地連照顧自己既本能都唔識. 讀得再叻但係有高分低能症都死得啦!!
當然,我承認若要番工既話,無工人既日子就唔同呢1x日的,因為個人係倦好多好多的.而大兵同小冰本身亦有功課及練習要做或者測驗考試,亦可能幫唔到太多. 而亞嗲一定晚晚都喊晒口tim啦. 所以呢個合約完左會唔會續約,真係........尚在研究中!! 但係我仍然堅持我地一日會有唔用工人既一日的!
