之前試過思念呢個牌子既水餃, 都ok. 咁係pk 度見到有湯丸賣, 見利川無真正特價, 加上佢幾抵, 所以買左2包黎試下. 一包係芝麻味, 另一包係麻蓉味. 一包大約$16.x, 但有好多粒下.
今次係第3次煮啦, 我鐘意呢隻多過利川, 因為佢滑好多, 同埋無咁大粒, 食起黎好d. 細粒d, d粉又無咁厚幾好. 缺點係, size 細, d 餡都少囖, 我唔係話要佢爆晒餡, 但係比而家多番少少就perfect了.
除左亞嗲之後, 我地全部都鐘意食思念多d. 下次利川唔係真正特價既話, 我又可以多個選擇!! 不過最衰要大間既百佳先有可能有, 想買都唔易!
*雖然你見到個碗得7粒, 但係其實有1粒已經俾我食左, 即係我一次過食8粒!! 但係.......好似多左少少, 下次都係食番6粒好d.
