上星期的燒鴨雖然都似似地樣, 但係若今個禮拜再整, 實會俾人投訴. 所以就轉移目標, 向我另一個心儀對像進發.
佢就係燒肉啦.............. 呢個我都係想整左好耐架啦, 個豬插我都買左差不多4個月了, 都仲未用過!!! 又係諗住自己handle唔到, 所以一路都無整. 而家突然間覺得自己ready, 所以...........死就死啦.
若聽日願落街就聽日整啦(我通常星期六都唔會離開屋企半步的, 因為係度整野食嘛), 否則就要星期日先整啦.
而家又開始對佢朝思暮想了!! 好想快d 整!!
************************************************************
4月17日
我都係忍唔住, 起左身去街市買左番黎整啦, 又因為去佳寶睇下有咩買(其實無野要係個個度買的, 一個唔覺意, 又忍唔住買埋隻鴨番黎, 聽日再整燒鴨, 因上次個細既病左無得食, 後來炒菜時, 唔記得左叫佢唔好食, 佢食左一啖問我: 媽咪呀, 呢d 係咩黎架? 跟住我先: 死啦, 你食左d 鴨呀??!! ).
