因為好鬼死凍, 又因為已經同小冰去買鞋行左一轉街市(係另一個區的, 所以所有需要係個度買平D既野都買晒番黎咁滯), 所以夜晚就求其算了, 炒個飯咩都唔駛煮最方便.
點知亞嗲又買左D 海蝦番黎, 我一見到即刻話, 我唔煮架, 你自己煮呀. (難得我一心諗住煮一樣野便算, 無啦啦又整多D野我做, 彩佢都傻!)
今次D 炒飯我特登再落多D XO醬, 所以又再正D了, 雖然再落多左, 但係都唔辣既, 所以下次可以起碼落呢個份量了. 今次落左叉燒去炒, 完全係令到成個飯生色不少, 所以炒飯既鐵膽一定係叉燒粒呀!!
呢張相係一個兜型既碟黎, 呢到係裝晒每人一碗飯之後淨番既飯. 我係到添左半碗, 其餘既就係大兵同小冰食晒. 小冰今餐足足食左3碗飯(大約7點開始食), 夜d (9點幾)問佢食唔食消夜(渣喳)佢答佢老豆: 我頭先食左3碗飯呀, 仲點食呀! (hahaha)
