今日身痕, 所以整左 3樣野.
而家到第 3樣啦, 就係圓肉杞子桂花茶, 呢個係之前係bk一位媽咪話佢整過好好味, 好香架. 所以我今日都特登買樽番黎試下整.
材料: 5人份量
1. 圓肉 數粒
2. 杞子 1x粒(我怕燥, 所以唔敢落太多)
3. 桂花糖 ( 2 spoons
4. 碎冰糖
5. 水 (約 4 - 5碗水)
做法:
1. 先將圓肉, 杞子浸半小時.
2. 將 #1 及冰糖的材料放入水中用普通煲 煲15分鐘.
3. 將所有煲了15分鐘的材料倒入機內, 加桂花糖, 一起打, 約1分幾鐘便可off.
好處: 所有材料打爛晒, 你便可以將所有食材都飲晒落肚, 一 d 都唔會浪費, 同時個味亦出晒黎.
係呢度睇片: http://www.youtube.com/watch?v=z4P4OMH5OR4
因為舊年CNY前睇左亞SO 家姐教整蘿蔔糕, 聽到佢話用機黎刨絲. 所以係暑假時見到呢部機特價 $399 就買鬼左佢了. 一路放係度都無用過, 直到而家又到拜年時, 所以先可以同佢剪彩.
今日要係正式整蘿蔔糕前試整一底, 初頭搵唔到一件配件嚇鬼死我, 以為又好似舊個部咁唔見左用黎切絲那一LOOK柱(配件). (舊個部買左用唔到5次就放左10年啦, 搵番出黎時唔見左一個配件)
好啦, 正式黎啦, 嘩, 真係好快好快. 有左佢, 今次我整蘿蔔糕無以前咁倦, 同快左好多呀, hahahaha 好開心, 好爽呀, good toy!!
總結: 家有好工具, 真係省時省力好多架!!
係呢度睇片:
上集: http://www.youtube.com/watch?v=aG79Np4xshw
下集: http://www.youtube.com/watch?v=tMjnqhGpICk&feature=player_embedded
整成品:
唔知好唔好食呢, 今晚9點幾用佢黎做消夜, 希望成功啦!!
**********************************************************
9點幾煎左黎做消夜啦.........個味道ok, 係喊左少少同林左少少, 仲有色水差左少少, 但係要聽晚係雪櫃攞出黎煎的結果先可以作實. 好正呀, 我見到好多蘿蔔絲呀......
芒果蘋果汁
材料:
1. 富士蘋果 2 個
2. 芒果 2個
3. 冰粒
4. 蜜糖 (芒果唔夠熟/甜既話可以落適量蜜糖)
做法:
1. 將所有材料放入機內, 打數十秒便可試味, 唔夠甜可即時加蜜糖後再打左一陣便可 off.
係呢度睇片: http://www.youtube.com/watch?v=eNsIRmPMyNo
士多啤梨奶 (滿意度一般版)
材料:
1. 士多啤梨一盒
2. 奶
3. 水
4. 蜜糖 (4 spoons)
5. 冰粒 (冬天少許, 夏天可以多些)
做法:
1. 將士多啤梨洗淨去"丁"格水備用.
2. 將所有材料入機, 打至數十秒便可.
p.s. 蜜糖其實.... 係無4 spoons的, 因一定會有些痴係個spoon度.
賽後檢討:
可能唔加水會好d, 因士多啤梨味唔夠.
係呢度睇片: http://www.youtube.com/watch?v=1j5sAv2okhE
杏仁茶
材料:
1. 南北杏
2. 奶 (我自己prefer 奶同水既比例係 1:1)
3. 水 (可用番煲完南北杏既水) (因為要經過煲一段時間的關係, 你可以加多少少水解決蒸發左既問題)
4. 碎冰糖
做法:
1. 先將南北杏加水入普通煲內明火煲熟, 約2x分鐘.
2. 然後將南北杏連水, 奶及冰糖一起倒入機打, 打到冰糖碎晒, 同你覺得夠滑便可以off.
係呢度睇片:: http://www.youtube.com/watch?v=5FlTRVJ9MaE
合桃露
材料:
1. 合桃
2. 奶
3. 大滾水 (可用番煲熟合桃的水)
4. 碎冰糖
做法:
1. 將合桃白獲炒香, 千奇唔好炒燶, 否則會有苦味的. 可一次過買半斤或一斤, 一次過炒多d 放涼後入樽隨時拿出來用.
2. 將合桃用水煲熟.
3. 將合桃, 煲合桃的水, 奶, 冰糖一同入機, 打至冰糖容晒, 夠滑便可off.
係呢度睇片:
上集: http://www.youtube.com/watch?v=yd8D1wtKx4c
下集: http://www.youtube.com/watch?v=_0Qvdqf62sI
整完飲品之後, 用水沖洗個壺既入面, 一定唔可以整濕個壺既底部(連接機身的那部份), 說明書寫明的.
沖完之後, 就好似呢條片咁樣裝d 水入去, 打幾下, 然後倒晒 d 水出黎, 再用水沖洗. 若發現仲有污漬, 最好用布去清洗左佢.
係呢度睇片: http://www.youtube.com/watch?v=ytwhkxjQU28&feature=player_embedded
芝麻豆漿
材料:
1. 白芝麻
2. 黃豆
3. 碎冰糖
4. 大滾水
做法:
1. 將黃豆自浸over 5小時, 或可浸過夜更方便. 記住預多少少水俾黃豆去浸.
2. 浸完後的黃豆水倒晒佢, 再用水沖一沖佢, 然後加水(額外既水)入普通煲煮約20分鐘至熟.
3. 將煲黃豆的水倒晒佢, 再用飲得既水沖一沖佢(我自己做咁咋, 我諗可以去臭青味), 格水備用.
4. 將已熟黃豆, 白芝麻, 大滾水, 冰糖入機, 打至冰糖容晒, 夠滑便可off.
係呢度睇片: http://www.youtube.com/watch?v=cXJY8adJU8w
