D菜煮完出黎, 就咁用個煲上埋檯, 洗少隻碟之餘係冬天又有保溫既效果, 幾好呀!
呢個煲係11月SOGO 大減價時買的, 我之前一個星期(即係減價第1個禮拜)無聊行去7樓, 個到有好多煲煲餐餐既示範, 睇左幾個, 覺得最OK既係呢個煲. 不過, 諗住亞嗲又實會話我又買煲, 所以就算啦.
到第2個禮拜, 因為一D野, 所以同亞嗲好開心咁去左行街…………SOGO是也, 帶左佢行7樓, 睇左呢個煲既示範都唔夠2分鐘, 亞嗲即刻話送個俾我, 佢既效率嚇得我反而要HOLD住, 再諗多一陣冷靜下先, 最來……………當然係帶左佢番屋企啦,
佢有3隻色, 我揀左個綠色, 其他2隻色我都唔鐘意.
咁又點解見到有隻粉紅色係到呢??? 原因係我買左番屋企之後, 我亞媽用左好多次(佢幫我煮餸), THEN 佢問我個煲幾多錢, 佢聽完話, 嘩, 咁貴既, 我仲諗住平平地就買個添. 所以後來我就買左個粉紅色俾佢. 最好彩既係, 當我問完我亞媽要咩色個晚(我下午問的), 亞嗲叫我問下我媽個煲要咩色, 佢送俾我媽喎.
咁我當然係炸死, 咩都抄傻, 唔爆出黎話我下午已經問左準備買俾我媽啦, 而家有人問錢, 我當然唔會送上門咁蠢啦. 我仲要之後, 打俾我媽同我媽講, 而家個煲係我老公話送俾佢, 叫佢扮無聽過我話買俾佢, 我媽本應都話唔好啦(費事我老公駛錢), THEN 我話, 買我就買硬, 淨在係我老公俾錢定我俾錢之嘛, 咁而家有人應頭, 梗係佢俾啦, SO 我媽先肯唔爆響口.
呢個煲用左3個月覺得佢既好處係唔痴底, 好輕身, 可以上埋檯有保溫既效果又可以洗少隻碟, 仲有係清洗容易, 所以係亞嗲既至愛! 但係, 佢唔係減價賣7XX蚊既話, 我唔會買囉, 因為覺得唔值. 7XX蚊已經係最盡了(我覺得啦), 因為又唔係鐵又唔係咩牌子.
