南丫島

呢D 白飯魚超正, 好食過薯片呀! 下次要再去買呀!

海星買黎煲湯!

蛇年行大運, 精神飽滿呀!! 可喜可賀!

盆蘭花係亞嗲買既, 都幾靚.  但係最得意既就係佢第2日買左呢3個福祿壽番黎, 好CUTE. 所以特登影低的.

係過去既一年發生好多事, 所以好忙, 忙到都無時間去update個blog. 因為我自己都倦到死, 仲點有心情去煮野呢??!!!

希望係新既一年, 所有野都變得如意, 順利, 更希望大兵小冰可以學業進步, 唔駛再咁勞氣, 所有人都身體健康, 世界和平, 所有人都有飯食, 有工做, 唔需要捱餓, 無天災無人禍!!

高貴的自家制豆腐花

同場加映 staub 新煲剪綵儀式

某日終於得閒上網遊下, 無此中睇到呢個食譜, 見好易整而我又鐘意食豆腐花, 所以就玩下啦.  為左令呢個平凡既豆腐花變得不平凡, 所以特登為佢拆個staub煲幫佢變得高貴d.

超簡單版:

材料:

1.    即飲豆漿   1升

2.    食用石膏粉  1 tsp

3.    粟粉   1 tsp

4.    飲用水   2 tb sp (30g)

5.    黃糖   隨個人喜好

 

做法:

1.  先將豆漿以中火煲熱(千奇唔可以大火, 因為會滾到一地都係), 同埋要睇住煲豆漿, 唔好俾佢煲燶或滾瀉.

2.  係煲熱豆漿既同時, 將豆膏粉, 粟粉及飲用水溝埋一齊係個碗仔內.

3.  見豆漿煲熱後, 即刻將做法#2的粉&水倒入裝豆腐花的器皿內攪暈佢.

4.  跟手即刻將熱的豆漿倒入裝豆腐花的器皿內(即器皿內已有#3已攪暈的粉&水).

5.  靜待30分鐘後才打開, 便可加黃糖享用豆腐花.

 

Tips:

1.  倒入豆漿後不可再攪動豆漿, 應即關蓋開始計時.

2. 用一隻扁的湯匙來”筆”豆腐花, 效果更佳(或你可以索性買一個專門for “筆”豆腐花的東西.

*********************************************************************************

認真處事態度版:

 

自家制豆漿材料:

1.    黃豆 100g

2.    冰糖 隨個人喜好

3.    水喉水      比黃豆水多幾陪

 

未完, 待續………………

小冰第一次大顯身手之................炒菜

呢碟菜係小冰自己一手一腳炒的, 仲要係炒完出黎先有人知道佢炒左菜喎.  事緣係, 我放工打電話番屋企叫小冰洗米煮倣, 叫完之後我就話, 好啦, 你而家炒埋D菜佢啦. 
就係呢一句戲言, 到我番到屋企之後, 真係見到一碟煮好左既菜係到.  我完全無諗過小冰真係夠膽死去煮架, 原因係佢自細已經好怕dirty, 咩叉都驚餐死, 所以斷估佢都唔夠膽掂.  點知出奇地, 佢又唔怕自己去搞喎, 仲要煮出黎個味係ok既, 好彩無太鹹, 只係d菜未熟得晒, 仲有5%生, 但個樣都ok. 亞嗲一路食一路讚到天上有地下無, 又成機踩我話我無天份, 小冰呢d就真係天生煮野有天份呀! (頂佢!!)