一石二鳥沙薑雞 - 附食譜

尋日工人問我買定咩餸星期六煮........諗左成粒鐘都唔知煮咩好, 但又懶, 唔想自己洗洗切切, 所以就叫工人買左隻冰鮮雞番黎先, 叫佢洗好晒擺係雪櫃, 今日先諗煮咩雞.個腦入面都想試下煮沙薑雞, 以為屋企既食譜入面有, 點知, 搵唔啱心水, 所以要上網搵啦, 都搵左好耐先搵到合心水既食譜. (又因為要教亞仔數學, 所以又無咩時間可以搵, 但係又好趕住要CONFIRM因為醃要時間嘛!)

沙薑雞(煮) – 附食譜

材料:

1. 鮮光雞   1隻

2. 薑       5片

3. 葱       5條(切段)

4. 紹酒     1湯匙

醃料:

1. 沙薑粉   2.5茶匙

2. 鹽       2茶匙

3. 薑汁     適量

4. 紹酒     適量

調味料(拌勻):

1. 水       2杯

2. 生抽     1湯匙

3. 冰糖     非常細粒(半茶匙份量)

4.八角      2粒

5.沙薑粉    大半包 (食完之後覺得下次可以加呢樣野)

生粉獻(拌勻):

1. 水       1.5湯匙

2. 生粉     2茶匙

做法:

1. 雞洗淨,抹乾水分,用醃料塗勻雞身內外醃最少30分鍾

2. 下適量生油在熱鑊中,下薑葱爆香,將光雞兩边略煎,贊紹酒,注入調味料加蓋煮25分鐘至雞熟透,略凍後斬件上碟

3. 將煮雞汁液埋獻,澆在雞件上即成

*水滾後火唔好太猛, 否則d肉會好鞋的. 我用慢火煮, 煮完之後d肉都仲好滑.

沙薑雞(烤) – 附食譜

材料:

1. 鮮光雞   1隻

2. 薑       5片

3. 葱       5條(切段)

4. 紹酒     1湯匙

醃料:

1. 沙薑粉   2.5茶匙

2. 鹽       2茶匙

3. 薑汁     適量

4. 紹酒     適量

做法:

1.以錫紙將雞包好(我將個面向上).

2. 預熱光波爐, 將雞放在低架以225度烤. 聞到香味取出. 若唔夠色水但肯定雞已熟的話, 就除去鍚紙將雞放回光波爐再烤多一陣, 見好就收.

3. 雞要放涼後才可以斬件. (見到我呢隻烤雞無左d 皮啦, 因為我係仲熱既時候斬的)

一心諗住整呢個沙薑雞啦, 但係坐低後又見到另一個沙薑雞既食譜, 但係係烤既, 身痕既我又點忍得手, 所以又玩野, 決定一雞兩煮, 一邊烤, 另一邊就煮. 睇下邊邊好食D. 做人最開心既莫過於想做就去做!

** 2種雞都係由同一隻雞而來的, 用同一種野去醃, 醃左相同既時間, 只係一邊用黎煮, 一邊用黎烤咋.

***********************************************

食左啦, 我地個個都係覺得烤既好食d, 因為香口得黎係無熱氣feel的. 光波爐可以整到個皮有少少脆(唔好意思, 雖然個光波爐我買左約3年, 但係........ 我工人用佢仲多過我好多. 所以我整到佢少少脆皮都算係咁啦). 好搞笑, 亞嗲初頭以為係炸子雞黎的, 我話咩炸子雞呀, 係沙薑雞呀!! (激死!!)

另外那一碟沙薑雞..........覺得唔夠重沙薑味. 佢唔係唔好食, 但又唔係好好食, 無咩特別咁囖.

好耐無斬雞, 所以把刀磨得唔夠利, 所以斬到我隻野咁, 亦斬得唔靚, 斬完雞之後手都軟晒!

今晚食乜餸 - 2010年10月30日

今晚有:

1. 沙薑雞 (煮)

2. 沙薑雞 (烤)

3. 洋蔥青椒炒安格斯牛柳粒

4. 蠔油生菜

5. 冬瓜薏米瑤柱密早淮山排骨湯

煮就唔多野, 最慘就斬雞咋, 我仲斬爛埋隻碟 tim!!

冬瓜薏米淮山瑤柱蜜棗排骨湯 - 附食譜

上圖: 煲好之後 d 湯深色好多, 煲埋得8碗湯度啦, 其實我煲左成 2個鐘頭, 但係佢都唔係走左太多手. 幾好, 下次又可以用佢黎煲湯.

材料:

1. 冬瓜      1.5斤 – 2 斤 (沖洗切大塊備用)

2. 薏米      隨意 (沖洗後備用)

3. 排骨      隨意 (起碼$25, 你可以更多) (沖洗後出水)

4. 淮山      8 - 10片

5. 蜜棗      4粒 (浸完後頭尾十字剪開)

6. 瑤柱      4粒 (沖一沖後, 用水浸軟, 然後撕碎, d 浸瑤柱

            水留用)

做法:

約10-11碗水加入煲內, 將所有材料連浸瑤柱水一同放入煲內, 先中大火煲15分鐘(由於我用LC煲, 所以只需要電磁爐1300度火便可), 後轉細火煲1個半小時(1000度火)，加鹽調味即可。

買左個LC煲番黎好多野都試過用佢, 係未試過用黎煲湯, 所以試下啦. 呢個天氣用佢黎煲湯最好, 慳好多電, 因為用電磁爐用1000w就夠, 另外因為佢唔大煙, 所以抽油煙機, 抽氣扇全部都唔駛開, 淨係開窗就夠啦.

啖湯好甜呀,其實都唔係好多料,可能係d乾瑤柱夠鮮味啩.  亞嗲初頭係廚房聞到以為我煲螺湯,我話唔係喎,冬瓜湯之嘛. 唔知關唔關個煲事啦, 但我會再encore 用佢黎煲湯,之前成日以為佢唔夠大,今次夠裝晒d野,所以可以再接再厲.

p.s. 雞腳............係因為我整沙薑雞又唔想要雞腳, 所以掉埋落黎煲湯咋, 用得唔好浪費.

25 Grasshopper草蜢演唱會 繼續忘我

難得可以係坐緊測驗監既時候有得睇演唱會, 仲要係期待左成2年既草蜢演唱會.  因為上次睇完係超好睇, 一睇完已經即刻想再睇多場, 所以我亞姨同我一路都好期待可以再睇. (因為而家我會買飛睇既演唱會真係唔多).

我姨上星期六晚第一場已經睇左, 佢個晚睇到11點9先散場.  佢係超想睇的, 但係佢睇完居然話唔係唔好睇, 但係…………..佢唔會好似上次咁想睇多一場囖.  我當時唔知佢講咩, 直到尋晚我明白晒了.  因為我都有同感, 話今次既演唱會好睇…………..又真係唔係100% 認同, 話佢唔好睇, 但係又未至於, 因為見佢地3個由8點8開場係咁又唱又跳足3個鐘都仲可以係11點5時仲跳到發顛咁, 真係不得不寫個服字, 4x歲人啦, 可以仲跳到咁, 真係好難.

唔鐘意今次既演唱會主要原因係佢地最得超多人地既歌, 唱左成個幾鐘頭人地既歌……………… 唉………………… 我當時只係覺得好似同草蜢去左karaoke咁, 只係佢地搶晒d 咪自己係度不停唱歌咁.  講真, 佢地亦未夠功力可以唱得好聽過晒d 原唱者, 所以………………… 係咁多首別人的歌當中, 係某2, 3首超hit既歌時先有d high既感覺, 因為係萬人大合唱. 如愛情陷阱呢d 超hit既舊歌. 

唉, 我買草蜢演唱會飛就梗係想聽番佢地自己既歌啦, 唱人地d 歌唱3幾首就ok啦, 今次真係太多太多太多了. 我係10點時係咁打咸露.  知佢地都又唱又跳真係好辛苦同好努力, 但係都真係唔好意思, 我同亞嗲都覺得……….唔係我地想要既野.

好啦, 等等等, 終於等到又再唱番佢地自己既歌時, 但係又全部都係快歌(第一part已經係咁啦), 想靜靜地好用心咁去聽下一首慢歌都無. 佢地even 將原本唔係快既歌都變左快歌黎唱…………….即係首首歌合埋一齊唱雞尾歌, 聽歌聽到咁趕已經完全無晒意思了. (當然都總比佢地唱其他人既歌好d的)

原來以為係軟硬做嘉賓, 點知當亞嗲起身去廁所時, 聽到張學友把聲, 所以立即坐番低睇下係咪張學友, 點知真係喎, 真係好surprise 啦.  呢一刻係成個演唱會既高潮(其實我地2個都唔係張學友fans, 但係…………..真係因為成個篇排都唔係我地鐘意既野, 所以到見到張學友有左個希望).  張學友好搞野的, 好好笑. 我未睇過佢既concert, 下次都要留意下去聽下先.

寫呢篇野, 係希望………………… 草蜢會睇到, 希望佢知道我地買飛入場既人最想最想聽既係佢地自己既歌.  而家唯有又再等佢地下一次既演唱會啦, 不過又唔知要等到幾時了!!

最後想講既係我地超唔好彩, 坐正係個喇叭前面, 大聲到我真係好驚我會心藏病即場死鬼左. 我有時要用手按住個心頭, 因為個心跳得好西利.  亞嗲就一早已經用tissue塞住對耳仔, 但係佢都依然覺得好大聲. 我就無塞耳仔, 所以有時真係有出現wung wung聲架. 好彩無帶2隻野去, 否則一定要早走. 因我都真係驚我對耳膜聽聽下頂唔住會穿左, 因為真係超大聲呀)))))))))))

大聲到我地2個有時會感覺到個頭有風吹埋黎的, 應該係d 聲音勁得滯有震動. 其實根本都唔需要整到咁鬼死大聲啦.........咁搞法, 真係有心藏病既人真係千其唔好去, 否則真係難保唔會出事. 成個場有4隻呢d近觀眾既喇叭, 希望個場可以留意下將那4個喇叭較番細聲少少啦. 亞嗲叫我記低個坐位#, 下次係呢d位千奇唔好買喎!! 呢樣野亦同時係令個concert 失色既地方, 因為我一路睇一路覺得好辛苦(個心同對耳), 我遇到一d 高音時, 我真係無法唔用對手禁住對耳仔, 因為真係超攞命的呀!!

p.s. 買左劉華12月既飛………………. 而家已經唔鐘意劉華了, 但係唔去睇又好似唔知點咁, 算啦, 就帶2隻野去睇一次啦. 希望唔好好似今次咁失望啦.

今晚食乜餸- 2010年10月23日

洋蔥黑豚豬排

煎餃子

另加蠔油生菜

第一個亞嗲話想買既煲 - Philips 智營煲

快煮豆腐花煲仔飯 智能烹具快炊比試

(星島)2010年9月3日 星期五 06:30

(綜合報道)

(星島日報    報道)小朋友上學了，父母又忙個不停，沒有聘用女傭    者，家務最好簡化，包括每天不可少的三餐烹調過程。阿卓爸爸今次測試最新智能電飯煲，其內置一系列烹調菜單，會按時提示放入不同配料，減省烹調程序，讓各父母有更多時間陪仔女做功課、談天說地，續享親子樂！文：阿卓爸爸 圖：褚樂琪 產品查詢：2619 9663

　　聲畫字三方提示

　　今次測試的是Philips最新「智營煲」（編號HD4777），烹調項目則是簡單但難度甚高的豆腐花，以及很講求「火力」的滑雞煲仔飯。市面上所謂智能飯煲，功能大多是燜、煮、蒸、焗、燉，但真正使用時，還需要下廚經驗和火候控制，才能成功烹調出美食。這個「智營煲」內置三十個食譜，透過不同火力和烹煮方法自動烹調，直接感應煲內食物狀況作出導向式烹調指引，以分段文字、影像及聲響等提示，指導用家每個烹調程序，例如食物放入的先後次序和煮食時間等，換句話說是全無入廚經驗者都可使用。

　　選豆腐花和煲仔飯為測試項目，因兩者烹調時都要不停調校火力，才能造出最佳效果。「智營煲」好處是有提示功能，當第一個程序完成，顯示器會響起並在熒幕上亮起提示和圖像，指示用家第二個烹煮步驟。阿卓爸爸特意在烹調過程中扮作聽不到提示，看看效果如何？結果是電煲會保持在同一個狀態，直到用家打開煲蓋放入材料，再按OK，才會繼續，認真夠「智能」。

　　測試一：豆腐花

　　先把豆漿放入燉盅（隨「智營煲」附送）內，再將燉盅放入「智營煲」，把水加至指示水位。選按「甜品」，再按「豆腐花」，約七分鐘後，電煲會提示加入混合三十毫升豆漿的食用石膏粉，此時電煲隨即顯示二十分鐘倒數時間。

　　材料

　　豆漿 500毫升

　　食用石膏粉 一茶匙

　　紅糖伴食 適量

　　需時：二十五分鐘

　　阿卓爸爸評語：豆腐花口感極滑溜，試食的同事讚口不絕，阿卓爸爸特地提高難度，使用冰凍超市豆漿，而且又用熱水作燉煮，試圖影響感應器，但烹調出來的豆腐花依然滑溜兼美味，抵讚！

　　測試二：滑雞煲仔飯

　　煲仔飯對飯煲的要求很高，既要有煲底飯焦又不能影響飯身軟滑度。還有，同事食家Norman說，他家的飯煲也可造出飯焦，但清洗極之困難。阿卓爸爸還增加難度，故意改變官方食譜材料，加入帶有肉汁的水分，看看「智營煲」能否自動調節。

　　材料

　　白米 3杯

　　雞肉 大量

　　新鮮冬菇 隨意

　　蔬菜 隨意

　　需時：約三十五分鐘

　　阿卓爸爸評語：故意以新鮮冬菇及大量雞肉取代官方食譜中的臘腸，目的是增加水分。烹煮過程中，特意關機重開，挑戰「智營煲」的分析力和製造飯焦能力，結果是非常滿意，飯焦平均分布，雞肉亦剛剛好，不會太「老」。

　　■大型LCD顯示器一目了然，附設手柄方便移置。（$2,198）

　　■把已放入材料的燉盅放進煲內，再按煲內刻度加水。

　　■在甜品中的菜單選按豆腐花，電煲隨即顯示烹調時間。

　　■約二十五分鐘就有極滑溜的豆腐花，留意當中沒有氣泡。

　　■不同米有不同指示位，普通白米就用最左的一個量度。

　　■電煲約十五分鐘後響起提示，叫用家放入配料。

　　■煑出來的煲仔飯，煲底沒有黏著飯焦，容易清洗。

　　食家感言

　　Norman（《今日館》記者）

　　「豆腐花很滑，想不到有如此效果！至於煲仔飯，飯焦咬口一流，和街外吃的一樣，夠大塊，只是沒有那種燶味。」

　　Simon（《駕駛艙》記者）

　　「豆腐花效果理想，不用太花時間和經驗烹調，夠方便。煲仔飯？我特意裝多盒作為明天的Lunch，因為太好吃了！」

************************************************************************

家電廣場 - 電飯煲
	貨品編號: 83126219
	名稱: 飛 利 浦 智 營 煲 HD4777
	原價: HK$2198.00
	網上價: HK$2198.00
	說明:
	人 工 智 能 操 控，調 節 烹 調 熱 力 及 溫 度 革 命 性 SMARTOUCH 輕 觸 式 控 制 面 板 30 款 烹 調 程 式 選 擇 : 9 款 米 類 選 擇 : 白 米、壽 司 米、糙 米、糯 米、雜 錦 米、快 煮、小 米 量、煲 仔 飯、泡 飯 21 款 食 譜 : * 煲 粥 (稠 粥、稀 粥、綠 豆 粥、小 米 粥、雞 粥) * 煲 湯 (菜 湯、老 火 湯、冬 蔭 功) * 意 大 利 粉 * 甜 品 (綠 豆 沙、蓮 子 桂 圓 湯、木 瓜 雪 耳 糖 水、豆 腐 花、蛋 糕) * 乳 酪、燕 麥 * 燜 燉 (燜、燉 蛋/奶、燉 湯) * 蒸 煮 導 向 式 圖 像 及 聲 響 烹 調 指 引 液 晶 屏 顯 示 設 有 3 種 文 字 選 擇 : 英 文、繁 體 中 文、簡 體 中 文 彩 色 背 光 燈 液 晶 顯 示 文 字 及 圖 像 12 小 時 保 溫 加 厚 不 黏 底 內 鍋 內 鍋 設 隔 熱 手 挽 分 離 式 可 清 洗 內 上 蓋 附 送 燉 盅、乳 酪 杯、飯 勺、湯 勺 825 瓦 容 量 : 1.8 公 升 保 用 期 : 一 年

智能煲示範片段:

1. 椰汁黃金糕

http://mytv.tvb.com/lifestyle/pleasureandleisure/104430/1317#page-1

2. 冬蔭公湯 & 炒貴刁

http://mytv.tvb.com/lifestyle/pleasureandleisure/105001/1242#page-1

3. 燴羊膝配蝴蝶粉 (蝴蝶粉居然係唔駛出水直接放入個煲度煮架!!! 神奇!!!)

http://mytv.tvb.com/lifestyle/pleasureandleisure/104617/1276#page-1

4. 意大利飯 & 豆腐花

http://mytv.tvb.com/lifestyle/pleasureandleisure/105198/1297#page-1

睇完上面個幾條片, 都覺得佢真係幾方便的, 最好係炒貴x 唔痴底. 同埋佢有提示功能, 可以一路煮野, 一路做其他野都ok 唔駛睇火.

佢最最最神奇既係............煮蝴蝶粉唔駛出水, 就咁一開袋就倒落去都得. 真搞野, 同超方便 & 做少好多野(唔駛又要煲水又要出水又要過冷河), 煲都洗少個.

又真係幾好喎, 留意下先!!

德國咸豬手 - 附食譜

原來都幾大隻喎.

由於屋企有啤酒, 雖然係大罐既, 但係想清貨, 所以就用大罐, 但係我只倒一半咋, 所以都係大約 250ml度.

出完水界左 3刀之後個樣.

而家炆緊頭 30分鐘.

睇黎我界個 3刀太狠毒啦, 將隻豬手變左聖誕樹咁. 下次都係搵針吉 d 隆算了. (而家係度格水)

玩到無野玩 (我認我係咩都3分鐘熱度, 唔悶得既人黎的), 所以想整下咸豬手. 早排係吉豬島見到第一次無買到, 因為唔識整. 之後番黎屋企上網摷下, 見到都 ok唔太難, 所以係第2次見到時就卜鎚買左呢一隻. 買左番黎之後又因為夏天鬼死咁熱, 所以..........無野想食同唔想煮.  到而家天氣涼番啦, 所以有番mood煮野食. 為左要清下個雪櫃, 所以就選左呢隻入左貨over 一個月既豬手啦. (其實亞嗲叫我整黑毛豬豬排的, 但係我唔理佢)

材料:

1. 咸豬手 1隻

2. 紅蘿蔔 一個 (細的, 切粒)

3. 乾蔥 2 粒 (切粒)

4. 洋蔥 1/2個 (切粒)

5. 啤酒 1罐

6. 水 250ml

7. 雞湯 250ml

8. 香葉 1 至 2片

9. 燒汁 適量

做法:

1. 將豬手洗淨後出水 10分鐘, 取出後將佢界 3刀

2. 在煲內燒熱油後加入洋蔥炒一陣再加入乾蔥開始有香味就加埋紅蘿蔔.

3. 將煲內所有野炒到好香同埋 d紅蘿蔔林左少少後, 加入啤酒, 水, 香葉及雞湯煲滾.

4. 滾起後加入豬手煲約2分鐘, 轉另一面炆30分鐘.

5. 將豬手a面炆了30分鐘後, 轉去b面再炆30分鐘.

6. 取出格水備用.

7. 將芥末塗上豬手面(要乾身), 再將燒汁塗在芥末的上面.

8. 將豬手放入光波爐內2邊焗至金黃色便可(因為豬身本身已經炆左1個鐘, 所以一定熟晒架啦).225度火大約每邊5, 6分鐘度啦, 自己執生.

而家等食中!!!!

************************************************

食左啦, 好味呀, 真係好正呀(一定要趁熱食先正,凍左會差d的). 切緊既時候已經聞到好香啦. 最衰亞嗲出左街, 要等佢番黎食飯, 唔係我預d 時間會預得好d. 唔駛而家要熱死辣辣去切隻豬手, 搞到我切得好厚(因為我好怕熱的, 又因為趕住食飯 – 碟青口同菜已經上晒檯了). 呢個我一定會再encore的!!

啤酒煮青口 - 附食譜

其實原本係煮白酒青口的, 但係到臨煮之前先發覺我係瑞士買番黎個4枝原來有3枝都係紅酒黎的, 所以原來屋企無晒白酒啦. 原本都諗住算啦, 就咁用忌廉煮就算, 但突然諗起煮咸豬手那煲湯, 其實都係差唔多既野, 只係用啤酒而唔係白酒, 所以就決定用那些湯就搞掂了(呢d湯代替左上面既啤酒同雞湯), 其他野照舊一樣咁煮.出黎個味其實又用用白酒煮既差不多喎, 下次可以有多個選擇了!

材料:

青口    約1磅

乾蔥    2粒 (大)

蒜頭    3小粒

洋蔥    半個

啤酒    1/4碗

清雞湯  1/2碗

調味料:

淡忌廉  適量

麵粉    少許

鹽      好少

做法:

1. 先將乾蔥, 洋蔥, 蒜頭全部切粒. 青口洗淨.

2. 以牛油起鑊炒香乾蔥, 洋蔥及蒜頭粒後, 加入青口再炒, 炒香後灒白酒, 蓋上片刻. 然後加入雞湯再蓋上片刻, 最後加入調味料. 見所有青口打開便可加入香草便可上碟.

終於搵到隻又唔貴但係我地又鐘意食既青口啦, 呢盒青口係智利黎的, size適中唔太大又唔鞋, very good choice. 而家做緊買一送一呀. p.s. 佢係已經煮左架啦, 所以用黎煮餸時唔駛煮太耐. 即刻上面既做法要有少少變動. 要煮好晒d 洋蔥, 乾蔥, 蒜蓉同啤酒同雞湯先, 然後先放d 青口落去, 跟住加埋d "忌廉獻"見d 青口開左口就可以上碟架啦.

今晚食乜餸- 2010年10月9日

德國咸豬手

白汁啤酒煮青口

蠔油生菜

10月3日是吉日 - 吉壽日本放題

第一個round

第2個round

第3個round

第4個round

今日同亞嗲去呢間野食日本放題, 睇人個blog介紹呢度幾好, 所以去試下.

第 1 個 round: 

三文魚刺身好味, 八爪魚好爽, 螺肉都係好爽, 甜蝦都幾好(嚴佢細隻得滯), 其他相入面見到既白色既野同黃色既野都係唔好食的(可能因為我地本身都唔係太食其他魚既刺身的)

因為怕浪費, 所以我每樣叫左一串試下, 有牛仔骨, 帶子, 冬菇, 矮瓜, 蝦d串燒全部都ok呀.  北寄貝幾好食架.

d 天婦羅都普通啦, 個炸蠔都ok既, 個雞軟骨(我叫一份, 但係佢俾左好多我)我嚴佢唔夠咸.

第 2 個 round:

encore 三文魚, 八爪魚, 甜蝦同螺. 另加吞拿魚(但係亞嗲話唔好味).

壽司我覺得麻麻地, 最主要係 d飯團.........唔夠好味.

第 3 個 round:

個蟹粥幾好味架, 我地食晒.

個炒蜆唔好食的, 亞嗲仲要食第一啖就一口沙(好彩我無中招), 跟住佢都無掂過呢碟野了.

第4個 round:

都唔知點解, 明明我只係寫左一個加洲手卷, 但係無啦啦黎左3個手卷. 咁同waiter講話我只係叫左一個咋, 佢幫我check單, 仲俾張單我睇, 真係寫住1件加洲手卷, 2件軟殼蟹手卷喎, 仲要個2字都似我既未跡先最奇.  我明明都唔食軟殼蟹既, 我點解會叫左呢種手卷呢??? 仲要叫2件tim??? 跟住亞嗲死係度話........... 你今次仲唔死, 你實食唔晒啦, 因為個時佢已經飽了停晒手, 係得番我一個人仲食緊. 跟住我話, 我食晒佢唔係問題, 只係............. 我唔明點解我會叫2件我唔食既軟殼蟹手卷咋.  我唔係話個waiter 錯, 而係........ 我覺得係鬼x眼先會發生呢件事.

講番d手卷.................真係唔好食的, d 紫菜唔脆的, 加洲手卷又無沙律醬....... 總之就唔好食啦.

個烏冬.........係個湯喊左d啦, 一般啦.

基本上以咁既價錢係抵食既, 淨係d 刺身都抵晒啦. last order 係7點半, 但係我地已經飽到死了, 7點8度已經叫埋單了.

呢度分2個時段的, 一個係6點至8點, 一個係8點後另一場, 今日係sunday, 所以每位係$178. 汽水任飲, 仲幾多選擇tim.  但係個場就真係幾細, 坐得幾迫的. 亞嗲唔鐘意佢咁迫.但係SERVICE就真係幾好, D野都幾快黎到, 食完D WAITER又快手執野的.

吉壽日本料理

香港中環威靈頓街33號

THE LOOP 7樓

TEL: 3586 3773/3586 3775

中環地鐵站D2出口 (係鏞記斜對面, 過左翠華餐廳無耐就到)

 

知足坑腩米 (枝竹坑腩米) - 附食譜

炆好之後淨番咁少汁咋, d汁真係只夠 4人份量咋.

而家開始炆啦!! 呢個係以1000w 大滾15分鐘時的情況.

呢度只係半包既份量咋. 解完凍用水洗左d血水等出水.

出完水.

炒完之後d牛腩既樣(我淨番少少時先醒起影相, 所以得番幾舊係隻镬度咋.

工人連放2日假(都唔明點解佢地可以有咁q多假的!!), 又唔知煮咩好, 見到包牛肋條, 所以就…………又黎牛腩米啦, 慳水慳力! 再陸d菜又一餐.

食譜 (我呢度煮左半包咋)

材料:

1. 牛肋條一包 (我鐘意6-7成肥的, 煮完出黎當然無咁肥啦)

2. 柱候醬   6 -7 spoon 西式湯更滿到瀉的 (一半炒牛腩時落, 另一半加入水度)

3. 薑片 8片 (出水用2至3片)

4. 蒜頭 6粒 (切碎)

5. 香料 (八角約5粒, 花椒一"炸", 桂皮一條, 香葉一片, 果皮一角)用細煲湯袋裝住

6. 紹酒 少許

7. 水適量 (大半煲度啦)

8. 炸枝竹 (一包) (你可以用水浸林左佢先落煲又得, 或好似我咁直接meet斷佢就咁掉入煲又得)

調味:

1. 冰糖 (適量)

2. 老抽 (適量)

3. 鹽 (適量) 最後落

做法:

1. 將牛肋條解凍後, 先將2, 3片薑加入水內煲一陣等薑出下味, 然後放牛肋條出水(咁樣我覺得會無咁so), 備用. (此時可以切細, 或炆好晒先切都得, 但係我懶, 所以而家一次過整晒佢先)

2. 燒滾油, 爆香薑片, 落蒜蓉再爆香, 然後落牛肋條炒幾炒, 加柱候醬(一半份量)再炒. (這個步驟你會覺得易燶的, 所以我會加少少水落去, 免燶. 到炒香d 牛肋條, 加少少紹酒再炒香.

3. 轉落另一個煲炆佢. 我一開始時已係呢個煲煲定d 水並將那包香料一同放入去滾下佢等佢出味, 當我炒好d 牛肋條時, 就將佢放入滾左既熱水內, 柱候醬我分2次落的, 此時會落埋餘下的一半份量, 加老抽, 冰糖, 搞暈佢. 水滾番後, 開到較大少少既火煲15分鐘, 然後較到細火先炆45分鐘, 停45分鐘, 重覆3次(因為我通常整親都係一早整的, 所以大把時間). 即前後你會總共炆左 2小時30分鐘. 加番少少鹽試味就可以上檯.

4. 若有枝竹, 你要在最後的45分鐘落煲等佢一齊煲. (若你d 枝竹係浸過既, 我諗你係最後的30分鐘落煲便可, 否則怕佢蚊到爛晒.)

我次次炆牛腩都係用le creuset 既煲, 因為咁樣慳好多電費, 我用電磁爐, 水滾後較到800w 火便可以了(記住, d 水都一樣係滾起的, 只係微滾).  慳電又環保!

之前係jusco買既, 咩低納喎, 所以買黎試下. 又ok喎, 無平時的午餐肉(同一牌子)咁咸.

韓國炒粉絲 - 附食譜

最後我無用呢隻麻油, 改左用日清麻油, 我尋日兩隻麻油都聞過, 我覺得日清香d. 所以以後都唔會買呢隻麻油了(個時亞蘇介紹買, 成$25一支, 一開時都幾失望架, 因為唔係真係勁香, 而家仲有一支未開!!)

係未去韓國之前都已經想食, 既然係去韓國就梗係係個邊買d粉絲番黎, 我覺得會食得好味d的, 因為........... 食既時候又諗番起去韓國既片段嘛.  其實9月時炒左一次黎食, 但係無影到相.

工人放假, 所以又係我要開工既日子.  今次再黎過, 個味都ok的, 只係我唔知d粉絲浸完會咁多, 所以炒既時候炒到我手都斷埋, 真係炒到成身汗!! 我鐘意佢煙煙un un那種質感, 好得意.

食譜:

材料:

1. 粉絲 180g (我呢度應該差唔多煮左500g, 所以炒到手抽根)

2. 梅頭 $12 (切條) - 以鹽, 糖, 豆粉, 豉油, 少少水醃最少30分鐘)

3. 洋蔥 隨意 (切條)

4. 冬菇 隨意 (切條)

5. 蔥 隨意 (切條)

6. 雞蛋 1隻 - 煎完後切條

7. 蒜蓉  2粒 (茸)

8. 火腿 3片 (切條)

調味料:

1. 韓國豉油 2湯匙

2. 糖 1湯匙

3. 韓國醋 2 茶匙 (無就用普通中式白醋代替)

4. 鹽 少許

5. 麻油 適量

做法:

1. 以滾水將粉絲煮4分鐘, 取出, 過冷河, 放乾備用.

2. 將火腿略為炒金黃色取出備用.

3. 燒滾油將蒜蓉炒香, 放冬菇同炒一回兒, 將梅頭落镬炒至9成半熟,