今晚食咩餸 - 2012年2月27日

 

又係另一個禮拜既開始, 所以都係蒸肉餅為主啦. 無計啦, 無左工人, 蒸肉餅可以做少好多野嘛, 唔想再係到切片, 切條, 放工番到黎咩都要快, 因為慣左早食飯, 而家最快都要比有工人時遲左半個鐘頭啦, 所以有時都要肚餓住等!!

亞嗲話今晚d餸無咩好影啦, 我話, 錯, 因為有梅菜蒸肉餅, d 梅菜係我自己加工的, 所以係非一般既梅菜肉餅.  亞嗲食左都一路食一路話好食!

1. 梅菜蒸肉餅
2. 腐乳炒生菜
湯: 南北杏密棗日月魚紅蘿蔔粟米排骨湯

試新既麵粉

最左邊既係中粉, 其他2包係高粉.

個包因為頂頂, 所以痴住左個蓋, 所以無左一忽.

用緊象印既人就可以睇到個高度係幾高, 幾乎係僅僅夠位用手揪住個兜咋.

係bk見人話呢隻粉好, 所以又買黎試下啦, 個包裝真係幾靚. 第一轉包整出黎我係到鬼叫, 因為...............個包頂到上頂呀which 係從來都未試過的.  所以你見到張相, 個麵包頂係無左一忽, 因為痴住左係個蓋到(見最下那幅相).  拎左個包出黎, 我係咁轉佢黎睇, 360度咁睇, 又係到聞下佢, 亞嗲話我痴線既咩, 駛唔駛咁跨張呀??!! 我都費事理佢, 無答佢.  我心諗, 難得有野玩, 當然係..............玩下先啦, 唔係我做人仲有咩意思呢??!!  

第2日早餐食左, d 包係軟d架, 所有材料無變, 只係轉左隻麵粉, 但係出黎係軟d的.  都幾好食, 係唯一既缺點係佢d粉太白, 一定係漂過, 仲要漂得好乾淨添!!  

再過2日我整第2轉包, 特登減少d水黎試, 出黎就無咁高了, 但係都比平時高少少. 個包出爐時, 我覺得個心係有d 空心feel的, 係得個皮硬d(其實唔係硬, 只係對個包心入面比佢係硬啫).  

下次仲買唔買呢隻好呢?? 呢隻就16蚊一包(1kg), 泰國粉就12蚊一包(都係一kg), 韓國粉就貴泰國粉1/3價錢, ummmmmmmm 我諗我會用番泰國粉了, 原因係............. 泰國粉都ok無問題, 所以費事買貴d啦, 試下新野無所胃, 但長遠計都係以成本計算為大前提.  

呢隻韓國粉同時都有低粉同中粉賣的, 我買左一包中粉, 諗住用黎整麵用, 唔駛買white wing咁貴, 中粉賣$13/kg, 我覺得佢係特登賣貴d d 高粉, 因為佢知多人買, 所以只係抬高 高粉既價錢.  

突然間想食呢種包做早餐~~~~~ 奶醬包, 正!!

行行下價真棧, 突然間想食奶醬包, 所以就買左樽花生醬(平時我係唔食花生醬的), 跟住夜d再買埋錬奶, 就調配左上面呢盒混醬了, 原因係我咁樣整好晒方便食早餐時佢地可以最快最方便整到自己既早餐, 唔駛太杰, 又唔會太稀.

大兵話最衰無多士爐啦, 否則就可以食奶醬多. 我話, 要整我梗係有架餐餐啦, 但係食得多咪生多d 非滋囖, 到時佢又係到鬼叫啦!! 

下面就係我今次第一次買既花生醬, 之前未食過呢個牌子的, 買黎試下咋, 今次既混醬用左一罐練奶+半罐花生醬而成, 今朝食左好好味呀, 一早食d甜野, 個人都開心d!!

大兵小冰同我3個食左呢d 奶醬包2日, 都話好食呀, 我諗呢個真係一個好煮意!!

菜乾蠔豉豬骨粥

 

d 蠔係雪櫃拎出黎的, 所以有d 白色野, 唔係發mo呀!

因為懶, 唔想做咁多野, 所以又係突然間諗到整呢個粥的, 懶真係可以令人用盡你既小宇宙的呀!!

南北杏蜜棗日月魚粟米紅蘿蔔排骨湯 - 附食譜

上面呢d就係日月魚

由於想飲紅蘿蔔粟米湯,  所以就星期六買晒野準備係星期日煲啦. 到星期日朝早, 因為煲菜乾蠔豉豬骨粥, 所以係雪櫃摷d蠔豉既時候見到包日月魚, 所以又進行清貨大行動, 掉埋落去煲湯啦.  

星期一晚飲d湯, 今次啖湯好好飲, 佢既好飲係...........各種味都平衡, 無一樣搶, 係樣樣味都有, 所以好好飲.

材料:
1. 紅蘿蔔 2斤至2斤半
2. 粟米 5條(由於今次d粟米較細條, $10/5條, 所以用晒佢啦, 平時普通大小既就用2-3條)
3. 南北杏 適量
4. 蜜棗 5粒
5. 日月魚 適量 (今次用左9粒)
6. 煲湯排骨/豬骨 適量
7. 果皮 1角

做法:
1. 將豬骨飛水, 日月魚浸軟, 然後飛水備用.
2. 將南北杏密棗浸半軟後洗淨. 密棗頭同底都剪十字. 果皮浸軟後去左白色野.
3. 紅蘿蔔去皮洗淨, 切件.
4. 粟米去皮洗淨, 切開幾件.
5. 放12碗水入高速煲, 將上面所有材料放下, 煲滾後高速30分鐘. 排氣後, 打開蓋再用大火煲多10至12分鐘, 落鹽便可飲用.

今晚食咩餸 - 2012年2月22日

1. 蠔油薯仔炆雞翼
2. 蒜蓉炒白菜
3. 蕃茄炒蛋(格夜餸)
湯: 南杏北杏密棗紅蘿蔔合掌瓜排骨湯

是日不適, 由亞嗲操刀!! 

今晚食咩餸 - 2012年月21日

1. 梅菜蒸肉餅
2. 蒜蓉炒豆苗
3. 蕃茄炒蛋
湯: 金銀菜豬骨湯

終於都等到有貨番啦!!!

一路都用開呢隻糖黎整麵包蛋糕, 但係佢經常性咁無貨, 頂佢呀!! 所以我次次都買4包, 6包上倉的.  而家我都好似開埋最尾那一包存貨啦, 好彩今日發現番左貨, 我即刻立左2包先. weekend時再係近屋企那一間再買多2包, 費事咁死重!!  等佢真係等到人都顛!! 而家貴左啦, 成$25一包, 之前$18咋, 加左價仲要成日無貨, 衰人!

吉野家 - 下午茶餐

同小冰好晏都未有時間食飯, 所以求其搵間野食啦.  小冰見到吉野家既廣告燈箱佢就話食吉野家呀? 我見都好耐無食過, ok 就佢啦, 費事諗了.

小冰原本話食飯, 我話3點幾啦, 你再食飯一陣夜晚點食得落飯呀, 所以就要佢食麵啦.  then 佢就揀左呢個粟米濃湯烏冬, 而我就揀左個關東煮烏冬, 個死野食得仲快過我(佢個碗大過我的).  我個碗味道ok啦, 無咩特別, 佢話佢個碗好味喎. 

今晚食咩餸 - 2012年2月17日 - 通粉記

待續..........

結婚周年紀念 - 鴻星海鮮酒家 (銅鑼灣分店)

又到左結婚周年紀念了, 不知不覺間就結左婚1x年, 但係其實我同亞嗲都唔覺結左婚咁耐!! 咁係好事啩, 唔知道了!!

原本我係想食片皮鴨的(基本上我每期都有唔同既野想食的), 但係我又覺得用左張鴻星禮券會有意思d, 所以最後都係揀左去鴻星食.  點解我話用鴻星禮券有意思?? 張券同我地結婚周年紀念有咩關係?? 事緣係之前參加左鴻星那個食譜創作遊戲, 我地整既其中一個餸(炸電吞)俾佢地揀左係其中一個有創意既餸菜, 所以就有一張禮券送番俾我地.  咁又點解同結婚周年有關呀? 係因為呢個餸係亞嗲諗出黎, 然後由我去將佢實踐出黎的, 佢只係講左個idea, 我就去落手整.  咁呢張禮券係我地2個人合作嬴番黎的嘛, 所以就同結婚周年可以扯上關係啦.  再加上, 一路小冰都好緊張呢個遊戲我既進度, 大兵都有問下, 所以我又覺得呢個遊戲又係我地一家人整體既事, 咁結左婚先有呢個家, 咁...........就有關係啦.

尋日好開心終於可以去深圳dup骨啦, 成2個月無去, 倦到死咁滯!!  dup dup下後期我都訓著左覺! 跟住夜晚就去左cwb既鴻星食飯, 我地一早係網上睇左佢有咩野食, 所以target好食呢個鮑魚魚翅餐, 佢8點半後有8折添, 所以就book 左8點半先食.

其實之前都食過好多次鴻星, 因為我老豆好鐘意係到食飯的, 但係........次次都係叫12人的套餐, 所以..........真係very 一般.  so 對d食物都無咩期望.

最先黎既翠肉瓜炒北寄貝, 呢個我地全家都鐘意食, 清得黎d北寄貝幾甜.  

跟住係個翅, 都ok.  跟住黎個炸帶子...........我超like呢個, 因為平時d炸海鮮卷我係唔吼既, 食到嚴晒啦, 呢個.............出面一條條個d好得意呀, 個口感幾好, 又唔heavy. 我問亞嗲一條條個d係咩黎, 佢話係麵粉喎, 我死唔信囖!! 

然後就係鮑魚...........d冬菇真係唔好食, 我同我女都鐘意食冬菇的, 但係我地2個都話唔好食. 但係d 鮑魚就好食, 幾爽口.

條魚就蒸得幾好, 無over, 所以好好味, 係嚴太少蔥, 所以唔夠香囖(同埋d蔥唔知點解係全白色既??). 小冰係食條魚食到.................完全無坐低過, 因為佢呢頭夾, 即刻放入口, 跟住又即刻夾, 咁你話, 佢邊有時間坐低呢??!!! 我食第一啖時, 條魚已經無左1/4啦, 變態!!

跟住黎個雪x紅麵..........由於食左2碟濃味既餸, 所以顯得呢個麵好淡, but食多兩啖就好d(因為好少, 所以即係食到最後一啖時先覺得好d, hahaha).

個甜品好好味呀, 原因係唔太甜, 同埋唔係咁粉(有時d 酒樓既紅豆沙唔知點解係粉粉地的). 我好快食晒啦.

最後黎既係壽桃包, 其實都係因為呢個壽桃包我地先confirm揀呢個餐的. 但係尋日拎呢d包黎既亞姐拎埋黎時話壽包呀, 我一聽就超唔高興, 因為係幾個月前知道壽包係白事先食架.  呢個係一路以黎好多人都犯既錯, 包括以前既我, 但係知道左個錯之後, 就覺得超錯, 係真係一個唔可以唔應該犯既錯.  喜慶事食既係叫做壽桃包, 而唔係壽包呀. 我諗, 所有有賣呢d 壽桃包既食肆都應該同d員工講番呢個問題, 糾正番佢, 大家一齊錯既話就無問題(因為聽者根本唔知有錯), 但係對於知道真相既人黎講就好唔高興啦.  仲有d 壽桃包係唔夠粉紅色, 所以唔靚, 吸引程度大減, 失望!

除左呢個問題之外, 成餐飯我地食得好開心, 因為............真係好抵食囖, 當然係講緊8點半後有8折啦, hahaha.

今晚食咩餸 - 2012年2月13日

1. 蘿蔔炆魚鬆
2. 蒸鯇魚
3. 炒菠菜
湯: 格夜湯

今晚食咩餸 - 2012年2月12日

 

今日我同亞嗲都心有靈犀, 差d 大家都買左瀨尿蝦, 好彩我嚴佢貴(比亞嗲買既貴左一倍), 所以無買到, 否則就會多左成斤出黎啦!!  仲要我去街市再買野時, 係街市撞到亞嗲喎, 幾橋! 今日d 瀨尿蝦無上次咁香, 咁好食, 因為亞嗲無落酒呀, 個味差好遠, 係無左大排檔那種味道.

而家d餸真係好貴, 呢條咁既紅衫魚都要40蚊呀!! 痴根!! 只係諗住好耐無食, 所以先買咋, 4蚊一兩紅衫魚, 發顛!! 好彩呢間舖頭係足抨, 否則再加埋d 呃抨, 真係仲傷!!

1. 雙黃瀨尿蝦
2. 煎豬排
3. 煎紅衫魚
湯: 南北杏蜜棗紅蘿蔔青蘿蔔豬骨湯

恆河咖哩屋 - 米芝蓮餐廳(筲箕灣總店)..........肥d都唔駛只旨坐得到

 

免費送既胡椒餅

出名既香草羊架

唔記得左咩脆餅, 我既至愛, 呢到係2份

印度烤雞

唔記得左咩豬脾

煮飯煮到好倦又唔想煮, 所以plan左sat出街食. 又因為唔係成日出街食, 所以就想揀平時少d食既野啦, 突然間諗起恆河, 幾年前試過西灣河那一間, 但係總店就一直都未試過, 所以今次就鎖定目標試呢間啦.

我早d去搵位先, 因為之前有人話6點半去到都開始排隊.  去到點知..........係直入喎(我仲要2個唔同時間(前後相差個幾鐘的)去過都係可以即刻有位). 一坐低..................wow.............我已經開始唔likely了, 因為d 位幾迫, 唔係左右迫, 係前後迫, 係自己張櫈同自己張檯既距離超近, 所以你真係深呼吸都幾乎可以點到張檯. 坐得兩野, 真係好有壓迫感, 所以我就望下自己, 係咪好肥呢?? 點解會咁q 迫既??!! 唉............ 算啦, 都坐低左, 唯有食完快d走啦.  到我睇menu 揀野食, 唔知係d 燈光暗定係個menu 那個膠套有d 暗花, 再加埋d字又細, 我真係睇得好辛苦.  個menu 係完全睇唔入腦的, 越睇就越炆, 所以到亞嗲黎左之後就將個menu 掉左俾亞嗲叫佢order, 因為我已經開始火火地, 總之就係坐又迫, 睇又辛苦啦!!  最後order啦, 個waiter ......問佢野佢答得你幾rude下, 即係好"掘雷除".  好啦, 總算捱完叫晒野食啦!!

第一碟黎到既係胡椒餅, 我地完全以為係我地叫錯野or佢俾錯野我地, 問佢地先知完來係送既.  大佬呀, 送既都唔該講聲呀, 我地真係以為係送錯黎嘛!!  呢個胡椒餅食無咩味的, 只係靠個泰色雞醬點左就好d 囖, 不過送既就無咩要求啦.

之後就黎羊架(我唔知個全名, 我聽亞嗲係咁叫), 呢個幾好味, d肉係林得黎滑的, d汁都好味, 果然係出名既菜, 食左呢個菜, 心情先叫做好番d咋.  跟住黎既係印度烤雞(當然啦, 佢又係完全無講呢碟係咩就咁放低就走, 我地4個人argue 左好耐, 先作出結論佢係雞咋).  都ok既, 但係.......就係ok only law, 話好好食又唔係, 話唔好食又唔係咁law.  

跟住就黎個脆餅, 呢個實無衰啦, 其實我都係因為想食呢個脆餅先揀食呢間野的, 我以前係蕉葉最鐘意食呢種餅的. 我地4個都話好好食, 又試過點咖哩汁, 又試過咩都唔點就咁食...........我地個個都係鐘意就咁食多d, 最正, 甜甜地的.

最後黎既係豬脾, 都係ok啦. 講真, 我地覺得佢同個印度烤雞既味差唔多, 同埋, 佢係第2樣烤既野, 所以...........覺得乾得滯啦, 同埋......小冰唔鐘意食, 所以我要食埋佢個份變左太多肉啦.

整體黎講食物係ok的, 但個座位同個menu真係一千個頂唔順, 西灣河那一間坐得好d.  唔係要求好闊落, 但係都唔好迫到...........個胸大d 都唔掂! 我地成家人無一個肥, 但係個個都覺得迫, 張檯又細, 擺到成檯都係野, 成日驚整跌落地. 食野食到咁擔驚受怕就無胃啦, 所以會再encore既但係..............搵日得閒先啦, 搵日想迫既話先再去呢間啦.

送俾自己既新年禮物

今日番工番到好悶, 真係好悶, 係悶得死人個隻, 所以好down!!! 番到屋企煮完通粉食, 個口想食甜野, 俾我看到呢罐popcorn.  呢罐popcorn係我cny前買的, 因為我好鐘意呢隻popcorn, 1x年前已經開始買黎食, 因為佢唔係好多地方有得賣, 所以中間有幾年搵唔到黎買(當然我都無特登去搵啦).  近呢2, 3年, 係價真棧同萬寧都見到有, jusco 都應該有的, 只係我無去睇.  萬寧賣既係細罐, 都成50蚊一罐, 價真棧既係大罐, $7x蚊罐, 把心一橫, 整罐大既番黎食左先算啦! 

今晚開左之後, 食第一粒, 嘩))))))))))))))))))) 成個人既情緒即刻唔同晒, 開心番好多, 跟住...........仲駛問, 咪不停口繼續食囖!! 真係好好味, 又香好好味.