南瓜餅

南瓜餅食譜:
1. 南瓜      250g
2. 糖        50g
3. 糯米粉    200g

做法:
1. 先將洗淨, 將南瓜蒸熟，去皮，去核，壓碎變成溶備用

2. 將南瓜溶加入糖，伴均
3. 糯米粉分 3 次加入南瓜溶中伴均
4. 如太乾可加少少水; 相反太濕可加入適量糯米粉
5. 用手壓成餅狀，每一層用牛油紙分隔，再用保鮮袋入好放入冰格，可保存兩星期。食用時，可放室溫半小時，除去牛油紙，放入鍋中用最細火慢煎，餅變軟身，兩邊金黃便可食用。

我整左下面呢個份量(因為一個南瓜仔剛剛好係咁重, 所以就用晒一個啦):

1. 南瓜        394g

2. 糖          78.5g

3. 糯米粉      314g

張相影出黎之前拎起左2塊的(呢隻碟度都應該有成10件), 呢個份量可以夠食2次. 另一半比呢度既份量仲要多的, 而家放左係freezer, 留番過幾日食.

我地幾個都鐘意食, 因為佢甜甜地, 煙煙un un咁, 幾得意. 剛剛大兵同小冰又係度嘈, 因為大兵話想再食, 我話咁聽日叫姐姐整俾你做tea 囖. 小冰就話唔得, 因為佢而家有飛滋唔食得喎.我話: 個度仲有成1x件咁多. (then 小冰先叫做個樣gur番d, 因為頭先佢只係食左半件咋) 然後我話, 你想食下次再整過囖. (今次小冰個樣就gur 晒). 佢個味道同口感係似年糕的, 但無年糕咁甜.

Tips:

1. 整就好容易整, 反面煎就好麻煩, 因為佢會痴住隻镬(我無用易潔镬黎煎). 所以要逐件逐件放係隻黑金剛中間最多油既地方煎到佢少少硬身然後就反轉另一邊去煎. 又再煎到硬硬到身, 然後就將佢撥埋去一邊. 呢個時候就放第2件新既入去, 重覆咁做. 咁樣先至唔會痴住隻镬. 但就好花時間.

7月3日既制成品

好耐無整野食, 所以一口氣整左咁多野, 原本想整麵架, 但係真係唔夠時間整啦.

再黎蕃茄免治豬肉

除左南瓜餅後, 我仲住左呢個餸. 

其他既新屎坑蝦膏(係大澳買的)炒通菜同蒸豆斑因為係叫工人煮, 所以無影到相.

話時話, d 蝦膏真係幾香喎.

腸仔包

一心諗住整多少少, 可以留番d 聽日做早餐, 點知........................... 我同小冰落完街番黎, 大兵已經一野食左2個. 咁都算, 我因為未食lunch, 所以餓到死死下, 大啖大啖咁食左2個, 小冰唔駛講佢一定又食2個啦, 因為佢3點幾已經係咁叫肚餓(當時已經叫佢食左半個蘋果頂住先, 怕佢食飽左食唔落d 麵包), 係樓下既時候已經又鬼練咁係咁話好肚餓. 但係當我同小冰食緊既時候, 大兵又舉起手去拎麵包, 我話: 你又話你食左2個既? 大兵: 係呀. 我: 咁你而家又拎? 大兵: 我仲肚餓喎, 所以咪食多個囖.  即係佢前後食左 3個!!  最後留番一個俾工人, 所以.........想留一個俾亞嗲試都唔得. 下次要整12個包先得了.  亞嗲話: 我仲以為會留個麵包俾我, 等我仲唔買野食番黎諗住食麵包添(因為佢係個cam 度見到我地食麵包).  

養佢2個真係大镬................

p.s. 我地3個都係鐘意食呢款腸仔包多d, 因為個面係脆脆地的, 正好多.