一路以黎都唔捨得個琴, 因為當初都真係試左n咁多個琴先搵到呢個THE ONE的. 個時有試過萬幾蚊既同十幾萬既都試過晒, 但係全部無一個既聲我係鐘意既. 咁當然試十幾萬個d琴既聲梗係好過萬幾蚊個d啦, 但係……總係掙d野呢……但係掙d 咩我又講唔出, 淨係知道我唔鐘意啦.
好啦, 後尾一試呢個琴, 即刻有種係佢啦既感覺. 為左要冷靜少少, 所以都特登試埋格離個一部同一model既u3, 結果都係一樣……我即刻”廟”晒咀. 好奇的, 你話我叫一個係咁樣覺得就話啫, 連亞嗲都係一樣, 一聽呢個琴就覺得鐘意, 係個種……搵左好耐終於搵到你啦既感覺.
而家個琴放在係個親戚度擺(真係得個擺字, 因為佢屋企3個人無人識彈的, 如果唔係咁, 其實我都唔會肯放係佢度.), 但係要到某一天我先至可以與佢重聚.
原本都唔係咁掛住個琴的, 自從帶小冰係琴行租琴練之後, 先越發覺佢有幾好!! 個琴行有7間房, 小冰試過3至4間, 但係……even係最好那一間我都頂唔住隻琴. 小冰直頭blacklist左其中一間房, 佢嘈晒話個琴好差, 就算無晒其他琴房, 佢死都唔肯去呢一間, 情願唔練. 我咁耐以黎, 未見過小冰咁有性格的, 可想而知個琴係有幾差呢??!! 連一個幾歲既細路都話佢差!!
有一, 兩次, 我帶小冰去練琴, 已經係一個比較好既琴(以那間琴行計), 但係我聽小冰彈, 我都真係火火地, 頂佢, 個樣已經好q 核突(矮身琴加樣衰), d key 又有d彈唔起既, 一係就痴住. 搞到明明係舊屋小冰d 考試歌已經練到好熟下既, 一黎呢度就……… 變左另一個人, 甩甩咳咳, 永遠彈唔到完整一首歌的. 初時我都諗住佢佢彈慣以前自己個琴, 所以未適應到其他琴, 但係連教琴miss都話d琴好差, 所以……… 最衰呢度又只係得一間琴行可以租俾non-學生, 所以都局住要繼續係佢度練. 當日一路聽住小冰彈, 一路諗番起小冰係舊屋彈同一首歌時, 好有氣勢的(有自信心), 真係好似另一個人咁, 因為咁, 所以令我好掛住個琴.
本應今晚可以去探 “佢”, 因為小冰今晚會去那親戚屋企, 但係基於我好倦, 所以都係無去到. 我諗要到cny 先可以去探佢了!!
前幾日同小冰係一個三角琴度練琴, 小冰彈左3幾分鐘後已經有明顯既唔同, 再彈多一陣, 佢既自信心都明顯好好多(同係琴行比), 到彈左10分鐘度, 見到佢已經好好, 當然比起佢彈番自己個u3 仲係掙d, 始終佢彈左個u3成4年咩都熟晒啦. 由此可見個琴既質素真係可能會對個學琴者有幾大既影響的.
係呢件事上面, 我同小冰講: 你知唔知你以前係好幸福架, 有好多好既野, 練琴有自己一間房練. 你睇下, 而家俾錢去練, 間房又迫又細, 個琴又差, 但係…… 仲係要俾錢佢喎!!
另一樣野我由呢件事體會到既係: 我搬屋既決定無揀錯, 因為而家既決定係令到要搬既次數減到最低, 亦如我之前所諗, 咁樣對2隻野既影響會係最少. 而家單單睇個琴已經睇到對小冰有幾大影響啦. 一日都係個前度pk業主賤格, 唔係佢反口唔賣層樓, 我地唔駛俾佢搞到咁麻煩, 咁多人去死又唔見佢去死, 早死早著, 唔駛係度累街坊!!
