其實呢個post係補番的, 係5月頭已經有好多次既方包係無影到相了, 所以........呢個topic既統計數字已經名存實亡了..............!!
**************************************
今日係5月16日, 整左吞拿魚碎蛋沙律三文治..........亞嗲話好好味呀. 唔記得左影相, 所以只能以文字記低.
2011年4月26日 星期二
soft mode 白麵包
夜晚整定既白麵包第2朝做早餐, 呢個係用soft mode整既.
*******************************************************
今日食左, 好軟, 我下次都會咁樣整.
2011年4月17日 星期日
今晚食咩餸 - 2011年4月17日
由於要清雪櫃, 所以就揀左隻豬手, 上網見到人地一隻豬手幾用, 所以又學下人地咁整啦.
用途一: 豬手煲紅蘿蔔蕃茄湯 (只煲1個鐘, 即高速煲10分鐘)
用途二: 煲完湯既豬水風乾之後, 加上蜜糖或燒汁放入光燒爐燒佢, 切件上碟.
用途三: 舊豬骨用黎煲粥
同埋仲清埋包煎餃子, 一野清左2包, 好事!
2011年4月13日 星期三
2011年4月9日 星期六
今晚食乜餸 - 2011年4月9日
呢d豬排係舖頭已經醃好晒的, 我地全家都鐘意食的, 尤其是亞嗲. 原本因為仲要同小冰溫書, 所以無心機煮, 求其叫工人買左d 豬排同d 菜就算. 點知亞嗲放工走左去街市斬料, 買左d蝦番黎. 我一聽到亞嗲話一半整白灼, 一半整椒鹽蝦, 我即刻話: 你煮呀? 佢話: 我煮咪我煮囖, 而家唔識煮呀? ...... 咁算啦, 叫做唔駛我煮, 甩左難. 但係.........我都係想食白灼蝦多d, 所以又番入房同亞嗲講, 唔好煮椒鹽蝦啦, 佢地一個病緊, 一個有飛滋呀. 就係咁, 亞嗲就投降唔煮椒鹽蝦了, 我就有好多白灼蝦食了!!
(呢度煮既係3個人既份量, 因為大兵那一份等佢番黎先煮, 費事煮完又蒸番熱佢, 咩都變得唔好食啦!!)
寶石包
今朝呢頭食完早餐, 跟手又要諗定下午食咩包做tea, 問佢兩個食紅莓包好唔好, 一個話好, 一個話唔好(例牌答案黎的, 永遠都係一個東, 一個西的). 後來我醒起上次係吉記買左d 乾果, 所以就決定整呢個什果包啦, 因為要試新野嘛.
一路都無咩特別話想轉d咩, 但係到我禁制開機時, 望下個display 畫面, 見到個soft mode, 咁諗下都好少整soft mode, 今次就一於唔用regular 改用soft啦.
個包出黎好有麵包味, 好軟熟, 佢軟得黎係無平時咁鬆那一種, 但係又好軟架喎! 我鐘意多d顏色, 唔駛成日都係得白色咁悶. 個麵包皮有少少脆口架, 好味! 個包2點05分出爐, 2點8就開黎食啦, 所以係very fresh架! yummy!
點解叫做多寶包, 就係因為d 果乾好似一粒粒唔同既寶石咁, 好靚!
最衰呢個soft mode 唔可以做timer包.
什果方包 (即做包)
材料:
1.水 190g
2.高粉 180g
3.低粉 120g
4.庶糖 1.5 tb sp
5.鹽 3 g
6.牛油 8g
7.yeast 3g
8.什果 55g
做法:
1. 將#1 - #7 所有材料順序放入機內.
2. 禁 select --> soft --> start
3. 聽到beep beep聲之後落什果(逐少放落去).
4.完成後長按start令佢熄機關電源, 將麵包取出放涼後便可切片享用.
2011年4月7日 星期四
高低白麵包 - 附食譜
之前聽人講過可以2種粉溝埋一齊整麵包, 由於屋企仲有幾包低筋粉, 終於的起心肝叫工人試下. 出黎既效果又好ok喎, 完全無問題, 好軟, 就一路用呢個方法黎滅粉啦!!
高低包 (Timer包)
材料:
1.水 190g
2.高粉 180g
3.低粉 120g
4.庶糖 1.5 tb sp
5.鹽 3 g
6.牛油 8g
7.yeast 3g
做法:
1. 將#1 - #7 所有材料順序放入機內.
2. 禁 select --> regular --> crust --> light --> 調較時間到指定出爐時間--> start
3.指定時間完成後長按start令佢熄機關電源, 將麵包取出放涼後便可切片享用.
2011年4月5日 星期二
今晚食乜餸 - 2011年4月5日
今日係假期, 唔知食咩, 求其買定個椰菜同魚片, 諗住炒埋一齊就算, 點知煮餸之前見到雪櫃有盒火腿, 於是就倒埋入去炒埋一堆...........搞掂, 又清左一樣野.
又由於想清左 d豬軟骨, 所以就煮左呢個糖醋骨.
簡簡單單又一餐了!!
訂閱：
文章 (Atom)