好彩有 喜療妥

上次被d 滾水陸到到而家, 心口那一大撻係我最擔心既, 初時除左痛之外, 成撻都係 紅棗 咁紅既紅色, 所以好驚好番之後都有撻 疤痕 或者 印!!

好彩, 由事發後第3日夜晚開始查喜療妥之後, 第4日朝早起身見到佢有變化(好似係有個泡咁, 但係......似係d 皮就黎甩出黎), 都唔知會係點, 但起有變化就keep早晚查一次啦. 跟住每日都見到佢既情況不斷好, 真係甩皮......... 到而家 已經變做淺粉紅色了. 叫做無咁擔心啦, 起碼唔係仲係紅到咁深色呀!

若下次你地都有燙傷, 都可以試下用 喜療妥呀!! (我一路都以為佢只係for 去瘀only).

 

瑤柱紫菜冬瓜肉粒通粉

 

好耐無食通粉了, 突然好想食, 尋日叫工人整定晒D材料今日煮啦.  買材料時諗黎諗去都覺得點解咁少野買既.......(叫佢買冬瓜, 梅頭), 但係點諗都諗唔起仲要買D咩, 因為實在太耐無煮了.

今日諗諗下, 原來唔記得叫佢準備冬菇, 但係已經太遲了, 所以浸唔切啦. 番到黎唯有求其係雪櫃搵D 瑤柱, 又係個櫃揾到D 紫菜(正), 所以掉晒落去一齊煮.  出黎都好好味呀....... 呢個係懶人既食譜之一, 因為唔駛煮, 掉晒D野落去搞掂.