雖然今日係星期日, 但係都要番工做野, 所以為左平衝一下心理, 就去食我鐘意既叻沙啦. 呢間野都好耐無食了, 原因係..........食完好快就肚餓, 所以咪少左食囉.
今日唔駛呢個真係唔得啦, 會死人架, 我個腦已經倦到就黎停係到唔識郁了!! 由於太耐無去過, 點知去到時發現佢有海南雞飯食喎, oh, 海南雞飯呀, 我另一個至愛呀! 就係咁俾佢打亂左我既陣腳, 掙扎左大約成5分鐘, 先決定叫海南雞飯. 點知, 我一話飲咩時人地話今日係星期日無野飲的, 咁我即刻好似係鬆左一口氣咁, 即刻話, 咁我唔要海南雞飯了, 我要叻沙. 原因係個海南雞飯餐可以加錢要龍鳳檸樂, 咁而家無得飲呢個, 所以唔要lu.
當碗叻沙黎到時, 我即刻飲啖湯, 嘩, 辣鬼死我(其實唔係好辣, 只係我唔食得辣啫), 但係又好好味. 即刻流鼻水, 個味道都仲係好好食, 但今次d粉就比以前多番d, 無咁少, 叫做有番d人性啦. 好好味呀, 好耐無食啦, 真係好味! see, 我就係想要呢種開心黎cover我星期日要番工呢種慘況!!
未試過既去試下啦, 真係幾好食架.
