今日成日都中左麵包毒, 成日都好想食, 因為今朝d包實在太好味了, 真係好好鬆軟. 亞嗲都話好好食, 同街既都差唔多有得揮.
所以我一放工都等唔切, 即刻打電話叫工人開機整包, 因為6點開機, 整好都要差唔多成10點(因為量材料都要時間架, 麵包全程又要3小時20分鐘).
而家剛剛由我親手幫佢出爐影相, 呢次真係好大威猛, 有成15.5cm高呀, 係我黎講算係最高啦, 靚仔到不得了. 我諗都會好好味, 因為通常越高就越鬆軟的. 期待 ing............. 而家聞到好香好香既麵包味呀! yummy yummy!!
睇下個包入面既組織係有好多窿架, 所以佢咪鬆軟囖!
我上次整提子方包, 就整到d提子係晒個包既出面, 我其實已經係分3次落提子了, 唔係一次過倒晒入去, 但係都出事. 今次呢個包係工人整的, 佢又可以整到外面一粒提子都見唔到咁勁喎(因為提子係外面會焗左無咁好食的), 我問佢, 佢話佢係3幾粒咁放落去的(咁比起我分3次放, 佢就每次更少數量), 等我下次試下先.
