眉豆花生木瓜排骨湯

again, 賣飛佛! 好甜好好飲.

節瓜眉豆鱆魚排骨湯 - 附食譜

前兩晚已經煲左d 蠔屎冬瓜湯, 不過無影相.  今日就梗係輪到d鱆魚啦.  買左2斤幾節瓜黎煲, 又有好多眉豆, d湯好香鱆魚味, 好飲呀!!  連小冰都話好飲(係佢自己飲完一啖之後話好味呀).

就係用左呢d鱆魚啦, 好大隻的呀!


 

材料:
1. 鱆魚                  1又1/4隻 (剪細塊)
2. 眉豆                  5兩
3. 節瓜                  2斤多d (隨意)
4. 排骨                  隨意
5. 薑                      2片

1. 將鱆魚浸軟, 洗淨後備用.
2. 將眉豆浸軟, 洗淨後備用.
3. 將節瓜去皮, 切大件備用.
4. 將排骨洗淨後出水, 備用.
5. 將10碗水倒入高速煲後, 再加晒上述材料, 大火煲至雙白圈後轉細水, 煲30分鐘. 雙白圈回落後, 等佢排完氣後, 再打開蓋, 大火再煲多15分鐘, 加鹽便可飲用.