1. 將所有醃料整好後醃隻雞, 由於我係之前一晚醃, 所以我醃佢一個鐘後轉另一面再醃. 然後又半個鐘頭後又轉另一面, 再等工人訓覺前再轉去另一面到第 2朝.
2. 為免醃得太耐會太喊, 所以我叫工人第2朝將隻雞洗晒d 醃料佢(原食譜都係要洗的).
3. 上完皮後風乾.
4. 風乾左一排之後既樣.
5. 用光波爐燒完個底 (約13分鐘), 而家燒個面.
6. 成隻燒好後用風扇吹凍佢先好斬.
個幾月前已經想整, 但係唔舒服所以 delay 再delay. 終於排到期出場啦.
個食譜同做法係跟韋太那一個的(但我改左少少野). 而家已經醃緊, 諗住醃過夜會入味d.食左啦, 整出黎都幾香. 個味好入味, 但亞嗲話唔鐘意咁重赫頭味, so 下次要減番d. 我只能夠整到雞脾位少少脆咋, 但係第一次整都滿意收貨了.
又係唔知點解, 上親皮都係有d 地方上唔到色既, 激死人.
買呢部機之前都有整開淮山粉的, 買左咁耐都整左好多次(叫個工人整), 終於的起心肝拿部機影低佢放上黎.
我而家煲親粥都叫工人落d淮山粉落去的(凍水落粉, 否則會起粒粒的), 淮山健脾架, 大人細路都啱食.
好耐無玩呢部機啦(已經過左戶俾個工人用黎整野, 佢個個wk都用起碼 2, 3次), 今日玩番呢部機仲覺得好好玩, 因為好快佢就磨到d淮山粉身碎骨了.
想買陶瓷刀好耐,之前係街邊檔, 工展會都見過, 但係嚴佢一買要2把(一係2把刀,一係一刀一個批平既刨), 又見有人話佢好易整到手好大獲, 所以...............拖下啦,又係個句啦,等唔用工人我先有機會用.
尋日亞嗲話報紙話 ok有陶瓷刀換喎,咁我咪叫佢去搵張coupon黎等我去睇下啦.亞嗲問左同事law左,但係要等到佢o完t番黎先可以去換.以我咁心急既性格梗係等唔切啦, 所以放工既時候走左去ok問下,咁樣一套$98 (一把刀,一塊針板同一個環保袋), 我見塊針板幾靚, 所以成交.
摸上手唔覺佢好利(當然我好小心咁模啦),遲d試下先知係咪真係傳聞中咁跨張了.
番到屋企,我千叮萬囑叫個工人唔好用, 同埋係唔俾佢用(通常我講過話唔俾佢用, 佢都真係無私自攞黎用既).我又同佢講, 話若洗呢把刀時(我用完叫佢洗既話),叫佢要小心d,話有人試過切到手要入醫院縫針.我再三叫佢記住要小心d!! (請工人就係咁, 仲慘過湊女,要講幾百次怕佢無耳性 ).
個針板都幾靚呀,等遲 d唔用工人先開黎用啦.
哈哈哈, 又有新野玩啦!! (亞嗲話要黎切魚生喎,佢話買魚生番黎俾我試刀喎.我話佢買佢切攞.)
自從上前係UNY買左個有個筲箕既煲之後就覺得有埋個筲箕超正. 煮起野黎方便快趣好多.
今次永安減價睇中呢套煲, 原本都因為唔夠高而猶疑買唔買好(想買個PERFECT既SIZE, 情願貴D, 但係PERFECT), 所以叫埋亞 "百彈齋主"去睇, 諗住佢都係叫我唔好買架啦. 點知, 係我叫佢摸下D料之後都唔駛3秒, 我問佢買唔買好, 佢已經答我 "買啦". 我仲死話, 唔夠高喎, 佢話OK啦, 滾魚湯無問題呀. 你又真係估佢唔到喎.
而家呢套煲放入雪櫃雪下先, 試D先開黎玩. 到時又可以再一次好開心啦. (其實係.....我已經有好多煲, 等我用殘左一個先開呢個黎用啦)
買一套煲有 2次開心!!
亞嗲個手提壞左一排, 揀好model 原本上個wk係jusco度買, 但係佢無貨. 後來人地提佢broadway同豐澤應該有, 所以今日去睇下啦.
去broadxay問, 有貨, 問佢有咩送..................... 除左原廠包既, 其他咩都無得送. 基於我見到佢有好多無胃野送, 但係呢部電話都無, 所以我同亞嗲講, 去豐澤買啦, even 大家都一樣無野送, 起碼我有得儲易賞錢d分, 都叫做 gur d 呀.
到去到豐澤, 佢有貨, 問佢有咩送啦, 佢除原廠送既之外仲有card reader, 一個環保袋, 另外仲送一張watson's $50 coupon (買滿100蚊可當50蚊用). 跟住仲可以儲易賞錢 d 分. extra 送個d野都差不多成舊水. 死人broadxay 咩叉都唔送, 唔鬼幫襯佢. 價錢又同人一樣, 所以我又remind 亞嗲, 買野記住格價呀!!
5月永安大減價時行過, 已經預計到佢6月會再減, 因為...............唔多人買野, 所以估佢會再做多次谷數.
前幾日收到佢既單張, 其實只係睇中左下圖既煲, 貪佢有大細格渣既野方便好多. 但係因為我覺得佢size唔夠大, 所以係減價前一日去睇左實物, 果然................. 唔夠高, 又唔夠大(唔夠大都可以算). 最後決定星期日帶埋亞嗲睇多次先決定唔買啦, 因為............... 佢d 料真係幾靚, 夠厚身, 都係368蚊成套, 真係抵買的, 所以叫埋亞嗲去睇佢有咩up啦, 因為佢通常都係咩都叫我唔好買的.
點知今日亞嗲見到, 佢居然叫我買喎, 我話我嚴佢唔夠高, 煲粥會彈晒出黎, but 亞嗲話ok喎(我唔信喎), 佢話用黎煲魚湯可以格渣好用喎. 我見既然有人附和我買, 那就買啦, 因為真係抵的. 呢個價錢係街邊買都要啦. 而家仲要係寶廸呢個牌子. 但係唔開黎用住, 遲D先啦.
個2張被..............好鬼死軟熟的, 好舒服架, 特價都係$189, 亞嗲話佢地怕熱, 所以買番張簿d既被俾佢地喎. 我見又幾靚又軟所以買啦. 2隻野見到好鐘意.
由於唔想佢地成日都聞蚊香, 所以買左個驅蚊器試下, 唔知有無用, 見佢233蚊所以試下啦. 永遠唔試, 永遠都要用蚊香.
個 lock & lock盒仔係用黎裝 水果 lunch食的, 而家用緊那個太大了. 都係永安D 細SIZE多好多選擇.
亞嗲買左個鬧鐘, 好抵喎, 72.5蚊咋係citizen黎tim. (無影到相)
***********************************************************
頭先亞仔話, 原來佢學校都係用呢隻驅蚊機的, 我問佢咁個班房有無蚊呀, 佢話無. 好啦, 希望真係無買錯野啦.
1. 銀雪魚 - 我老公話好食, 但係我覺得一般, 個味一般, 我情願去日本餐廳食好食D.
2. 煎豬排 - 我同亞嗲都話好味, 呢個係可以encore 再買的.
http://texasfood.silver.yp.com.hk/member/2589/diy/PriceListChinese.pdf
未食過老三陽既糭, 所以12號個日經過見到咪買黎試下. 我初頭以為紅豆糭即係紅豆餡, 原來唔係, 係無料到既!!
d 糭好唔好食..............ok啦, 梘水個d好d, 紅豆個d因為無餡所以唔鐘意食.
食完個晚我同個仔都嘔嘔地, 因為食得太多, 頂胃.
那pack係德州買既一口牛, 嚴佢有d 根, 但係都ok既.
用左呢隻黑椒汁黎煮, 快靚正又好味.
材料:
1. 一口牛 適量 (呢一度 約20蚊)
2. 洋蔥 約3/4個 (切角)
3. 青椒 1 隻 (切角)
4. 黑椒汁 適量(隨意)
做法:
1. 一口牛預先一晚放係雪櫃下格解凍.
2. 由於我怕d 血水, 所以我煮前半個鐘用水沖一沖d 牛肉, then 用鹽同黑椒(即磨)醃佢10零分鐘.
3. 燒滾油後, 先將一口牛煎一煎佢, 約至5成熟取出.
4. 再燒油, 將洋蔥炒至有香味, 放入青椒同炒(此時落少少鹽吊味), 約2分鐘後, 倒入黑椒汁, 汁滾後將一口牛倒回镬中同炒. 兜幾兜便可上碟.
後記:
佢地好鐘意個汁呀, d牛都ok好既, 但係無想像中咁好食law. 可能想像力太豐富啩.
特登試下德州既青口.................... 我地唔鐘意食呢隻, 太多毑啦, 唔好食的, 都係上次那隻新鮮既好食好多.
下次唔會再買呢隻青口了!!
今次煮個汁就煮得最好, 開始熟手左啦, 又整到杰身.
其實我係14年前(那時我好細個咋)見到部象印都已經有衝動想買, 那時我無記錯係$2899 or $2999. 因為那時未結婚, 所以衝動快些消失, 所以就無買到.
搵左一陣都搵唔到佢既相, 下次自己去影番黎.
其實可以而家買, 但係又係那個原因................想等唔用工人時才買, 費事佢整爛左我肉都赤埋. (今日我發現一個膠樽既蓋爛了.......... 佢地用野比起我地係粗好多的.) 只係呢個工人都幫到手, 所以唯有我降低我既生活質素黎就佢啦, 唔係......... 見到佢整爛左我d玩具我又激氣, 無胃了.
而家記低佢先, 將來佢一走左就可以行動啦!!! (如果我仲有呢個熱情既話, haha)
上完網睇, 最平可以係$1800樓下買到, 所以.......... 真係見到好平先提早行動啦, 否則就等下先啦.
****************************************************************
今日陪亞嗲去吉吉島, 搵到部機黎影相.
我已經成功叫亞嗲升左職送一部俾我啦, hahahahaha............... 我一出絕招就馬到功成啦!! 不過, 都係雖然有人俾錢, 但係我都係想等唔用工人先買. 所以唯有睇住相先.
亞嗲睇緊電話既時候, 我去左睇玩具. 一行入去, 嘩................... 有野睇呀. kenwood有個好大既counter係度做示範呀. 最衰我行遲左幾步, 因為個廚師剛剛 整左d粉團用那個附件黎將佢壓力麵條. 我去到時d 麵條已經係水陸緊了. 個樣似烏冬.
我諗左好耐, 唔知d 粉團係邊度放入去............. 終於等到(因為亞嗲又無心機陪我睇), 係俾錢時, 個廚師教人整pizza, 我見到佢將d都團由個附件既頂放入去, then d 粉團係直落咁出番黎的. 佢話咁樣係將d 粉團既空氣壓左佢出黎喎(因為出番黎都係粉團).
唔知佢下星期仲有無得睇呢? 若有, 我想再去睇呀.............唔買睇下都好呀.
呢部機$54xx................................ 我實無得買啦. $5480 仲係基本野咋, 佢有20件配件, 逐樣計錢呀!! 所以放係度睇下, 發下夢啦.
|
Kenwood 最 新 出 的 KM020 專 業 廚 用 機 ， 有 4 個 速 度 接 駁 口 ， 1500W ， 能 裝 置 多 達 20 款 不 同 配 件 ， 其 專 利 的 行 星 軌
|
| ||
|
|
Complete with: SwissLine stand, multi-purpose blade, whisk, beater and processor
Technical details:
150–200 W heavy-duty AC motor
Two-fold insulation
Two-speed safety switch with soft grip
2 speed settings:
Setting 1: 10,000–12,000 rpm
Setting 2: 15,000–18,000 rpm
Official tested safety certificate for various countries.
All parts that come into contact with food are made of top-quality rust-free materials, are odourless, tasteless and food-safe.
 | ||
Complete with: Swissline stand, Multipurpose blade, Whisk, Beater, Processor, Polycarbonate Beaker 150-200 W heavy-duty AC motor |
我想買既係紅色, 有個十字架係度的. 最衰今年3月去瑞士時唔識啦, 唔係係個度買唔知會唔會平d呢?! 但係其實我都嚴佢唔夠slim...........好似個電鑽咁, 唔夠型. 隻紅色又唔夠鮮. 佢只係係咁多look入面紅色叫最好睇law.
原本想join人一齊買, 但係因為保養期內有問題要經會員先可以整, 所以............唯有等下次有無啱既promotion啦. 費事到時買左出問題就麻煩了.
(我原本最想係等第時唔用工人時先買(怕佢唔小心整鬼爛我既就喊都無胃)...........唔係好耐啫, 2年半之後就得啦. 只係見今次都幾平, 所以先提早行動, 而家好啦, 一切回復正常.)
上面既係 "一口牛", 唔知幾多錢, 因為係個妹俾我試下的.
唔知呢隻黑豬好食d定係西班牙那一隻黑豬好食d(當然西班牙那一隻貴d啦), 我妹話呢隻都幾好喎(因為佢尋日已經試左).
銀雪魚比想像中細塊, 試下睇下咩料先.
呢個就係我最想買既青口, 因為綠色的那種青口無咁好食的. 但係我個妹話另一間係我更想要既青口, 所以試左呢d先, 下次又去另一度買黎試下.
*****************************************************
都話唔好上網架啦, 又中左毒. 小戰德州, 名符其實, 只係買左咁少, 試過好先再去同佢死過.
睇完何師奶個blog見佢係德州入貨, 有我想要既青口, 睇下睇下就好想去買. 搵到張price list但係要買滿1000蚊先送貨............玩咩...... 買到1000蚊個雪櫃都裝唔晒啦. 同埋又未試過佢d野, 點買1000蚊呢. 都諗住算數啦, 忘記佢.
點知係第2日, 我個妹問我買唔買(但係我無同佢講過的, 真係咁橋我睇完佢又睇到德州), 原來想諗住2個人夾份買夠1000蚊送貨啦, 點知都湊唔夠. 後來我個妹話佢去買, 咁我就可以搭單買埋.
但係就無我想買既雜錦海鮮, 我想用黎整天使麵嘛...........激死, 入到去都無. 我個妹話d野得幾份係個雪櫃度咋, 唔知係咪佢賣晒一d先再攞多幾盒出黎呢?? 試完再黎匯報.
