蘇太XO醬

係農曆新年前睇報紙, 見到介紹幾間不同既XO醬, 講到好似好正咁, 當時都想買, 但係又唔知邊度有得買, 如是者, 當然係......................不了了之啦.

今晚行CITYSUPER, 見到有XO醬既PROMOTOR, 平時我係唔會試的, 我肯試只因我諗佢係咪我睇報紙講既其中一間呢? 又係咪我當日想買黎試既那一間呢? 因為我記得又係叫咩太的(但當然就唔記得係叫蘇太啦), 另我又記得佢係喺一間印刷廠度整的. 當我睇個紙盒之後, 我就可以CONFIRM係我當日想試既那一間了, 因為好難搵到第2間既XO醬又係係印刷公司做的. 所以應該無錯了.

試食左, 佢係幾香的, 但係因為我本身食完洋蔥無耐, 所以可能難D試真佢個味. 因為亞嗲鐘意食XO醬(佢食開大孖記既XO醬的), 所以買俾佢試下啦.  係度左諗又諗買大定買細好, 突然醒起佢開蓋後只能擺3個月(因為佢話無防腐劑的), 所以................... 都係買細樽好了, 費事食唔晒出事.

大樽: 178蚊

細樽: 108蚊

唔知好唔好食呀, 試左再黎匯報.

***********************************************************

5月1日  晴

今日叫左亞嗲試啦, 佢都話好味呀, 我俾2隻野聞下, 佢地都話好香. 我聞下覺得好香乾瑤柱味. 所以應該無買錯野. 亞嗲話之前買開既大孖記既xo醬而家差左喎.

Citysuper香草

今日終於等到考完晒試, 測完晒驗, 可以去下行街, 百無了賴就走左去行citysuper.

大家都一定會覺得citysuper d 野貴過人架啦, 好正常, 係咪?! 

居然俾我睇到佢既香草就算唔平過其他超市, 都一定唔會貴好多(以平時其他貨品貴過人地既百份率計).

THYME, 賣$19.5 (30g)

MARJORAM, 賣 $15.5 (10g)

表面睇價錢係同其他超市差唔多, 但係佢就大樽好多的, 所以除番開佢係平d既.

話時話, 我呢2個禮拜買買埋埋已經有10種煮西菜既香草. 今晚買左天使麵, 希望可以用得著d 香草啦. 又係時候要上網搵煮意粉既食譜了.

1. Rosemary leaves
2. Oregano
3. Parsley flakes 芫荽 (是嗎? = 人地叫既蕃西嗎?)
4. Garlic Salt  蒜鹽
5. Bay Leaves 等於我們叫的香葉嗎
6. Cinnamon 肉桂粉
7. Basil
8. Italian Herbs 意大利香草

9. Thyme

10. Marjoram