石澳

偷得浮生半日閒黎形容今日係最適合, 因為呢一日真係偷番黎, 亦真係得半日得閒咋!! 上午去完食蕃茄通, 番屋企整左一陣野, 轉頭又出門口去石澳, 唔想游水, 因為D水超咸, 所以只係想帶2個去踩單車(因為上次係長洲佢地想踩, 但係夜, 唔夠時間), 點知入到去石澳又唔見有得租單車, 所以就算啦, 同佢地周圍行下啦. 2個係D石頭到睇下蟹, 行(爬)下, 仲叫我繼續向山上面行添, 但基於時候唔早同埋無其他人行, 我又唔識路, 所以費事一陣要CALL 警察煩到人啦.  之後仲叫埋亞嗲入黎同我地係石澳食埋晚飯先走, 2個好開心呀!!

勝香園@中上環 (蕃茄通)

特登同2隻野去食, 小冰去過幾次了, 大兵就次次都緣慳一面, 今次真係特登同佢去食的, 當然我自己都好耐無食, 去開個頭梗係食下啦, 好好味! 叫左個奶油脆脆但係俾2隻野食晒, 諗住再叫多個, 但係又無人同我SHARE, 所以唯有我無得食啦!!  同場仲叫左檸樂同咸檸樂, 正!  仍然咁好味,不過就熱D囉, 好彩唔駛排隊!

樂園泰國菜@石澳

係石澳行完, 當然係到食埋飯先走啦, 無幾多間食晚飯的, 同埋呢個位置既店舖我地以前都食過(唔知係咪同一間, 因為唔記得了, 裝修一定轉左), D野食都OK, 價錢亦合理. 全部野都食晒!!