呢D 蔥, 就更加係偶遇過偶遇!! 事緣係因為屋企D 乾蔥擺得太耐, 所以發左芽, 其實都發左成幾日, 我見佢生命力咁強, 所以就將佢放落泥種啦. 唔種由至可, 落左泥第二日已經見佢即刻長高左成寸咁多, 所以就好開心. 亞爹過D 蔥(上面綠色個D) 可以將係平時D 蔥咁用黎食, 我唔係幾信, 所以上網SEARCH下, 點知真係話得架喎. 所以就KEEP 住淋水, 睇住佢一日比一日高. 上圖最矮那一盆, 原本係最強狀, 最高大的, 但係後勁不斷, 俾其他爬晒頭啦.
我一開始係種左4盆共5棵的, 由於.............我又去玩種第二樣, 所以就拎左兩盆俾我亞媽, 咁我咪又有位去玩新野囉. Hehe.
俾左佢之後, 我去過佢屋企3次, 出奇地, 佢種得仲靚過我喎(佢屋企無太陽到的). 今日年初一, 唔夠蔥用, 仲即場剪出黎用黎煮蝦添. 最好笑既係, 我老豆一路都唔知佢地係蔥黎的, 以為係花. 我媽叫佢拎 盆蔥出黎剪既時候, 佢走去拎埋盆蘭花俾我媽, 因為佢見全部都係綠色野, 佢又以為係蔥黎的. 我媽即刻叫住佢, 呢盆唔係架.
paul 蔥成長記錄:
2014.1.8 (種左幾日咋, 已經咁高了)
另外兩盆
2014.1.30 第一次收成呀, 剪完出黎係咁樣架
2014.1.31 (剪左之後第2日既情況, 已經出番新芽出黎啦)
左手邊那一盆似乎升左呢, 去左天堂, 因為唔見有芽出黎.
2014.2.1
下面呢一盆就係升左"LEVEL"了 (去左天堂)!! 所以已經被我.......消滅左啦!
2014.2.2
2014.2.4
長左好多, 但係就好幼喎, 點解會咁既呢??
沒有留言:
張貼留言