由於我MOSTLY 每星期都會煮一次通粉, 所以要切斤半至兩半斤冬瓜或節瓜粒的. 一路都想買一部呢D機, 前兩年係淘寶見過, 但係又怕唔好用, 再加埋亞爹把衰口, 所以又無信心買啦.
呢部機係團購見到的, 賣$129蚊, 我睇左佢條片, 覺得應該WORK (買呢D機最怕就係D刀唔利, 切唔到野), 但係$129 又覺得佢貴(因為大部份都係膠黎之嘛), 加上佢取貨地點係九龍, 所以又PEND住無買.
過左個零兩個月, 我係另一個團購到見到, 賣$99, 所以就即刻拍板買左LU. 買左番黎, 我同小冰係到玩, 特登買左D 節瓜黎切. 嘩, 真係好快手呀, 爽到爆. 快, 靚, 正!! 後來連我亞媽自己都攞黎用(初頭佢好不屑咁話, 我切都係差唔多時間啫). 暫時都只係用左呢一個配件咋, 其他配件真係仲未用過, BUT 我相信都應該一樣咁好用.
用既時候就要小心D, 因為佢D刀真係幾利下, 洗完吹乾佢好了, 免整到手.
沒有留言:
張貼留言