我唔係有預謀架!!!!

因為星期四晚見到小冰個背狼殘殘地(開始有SO SO出現了(D線口飛出黎)), 所以諗住得閒買個新既背狼俾佢啦, 因為呢個背狼都買左(係買左, 唔係用左)幾年了. 轉頭又見到大兵那個假日用既背狼又係殘殘地, 再諗下, 佢呢個都係買左有二年幾了, 都係時候換過新了. 一路都打算係吉豬島減價時先買的.

係星期五我突然間醒起SOGO 做大減價, 所以就PLAN左等小冰學野個日去睇下有無啱啦.  當我地入左SOGO, 上到去賣運動用品個層, 無啦啦聽到D職員問, 係咪買背狼呀, 係既請排呢邊啦. 我仲係到諗, 賣咩背狼咁跨, 咁早就排晒隊呀? 好平咩? 跟手就叫小冰排住先, 我去睇下係賣咩背狼. 終於俾我發現到, 原來係賣JANSPORT, 咁橋今日係特價, 賣118蚊一個(指定既款). SO 咁就一路同小冰排隊一路睇下張宣傳單張, 有咩款啦, 見D款都OK, 就決定買佢啦, 唔駛搵添.  排左15 - 20分鐘到, 輪到我地, 小冰第一眼已經搵到佢既目標, 就係個紅色星星OUTDOOR, OH, 原來呢個要299蚊, 咁我見原價成5XX蚊既, 咁算啦, 呢個又真係幾靚就買俾佢啦.  

跟手去睇JANSPORT 個D啦, 都有好多款下喎, 揀左一個118蚊既俾大兵咁就夠數啦.  但係..................118蚊一個真係好平喎, 咁買定D放係到看門口啦. 如是者, 又再揀多左一個紅色.  但係買多一個SPARE, 一陣2隻野又嘈喎, 就係咁所以又要再揀多一個, 最後無啦啦買左4個背狼出黎了!!  番到屋企, 亞嗲都話抵到爛!!  我已經準備好台詞, 若亞嗲話我買咁多做咩, 我會答佢, 我從來都無諗住係SOGO買既, 係咁啱得咁橋佢今日做正背狼大減價之嘛. 咁又咁平, 點忍到手唔買啫!!

呢個月都無啦啦買左好多野, 唔知點解, 呢個月係宜破財咩??!!!