繼舊年10月, EMPRESS機終於都再減價啦, 今次減到去$590, 有需要既可以快D去買部番屋企玩下啦. 記住佢仲有個磨粉器(買機送的配件), 有人會用佢黎攪肉, 但係我從來都唔會咁用, 因為我用佢黎磨野, 我經常用佢黎磨淮山粉(呢個JOB其實已經PASS左俾工人了), 打薑蓉, 蒜蓉, 仲有我最近最鐘意就係用佢黎打黑椒粒, 你知啦, 黑椒粒即磨同買一樽樽既黑椒粉係唔同, 一樽樽既當然係方便好多, 但係佢一定唔夠即磨出黎咁香的, 係真係香好多架, 尤其是你買一樽用好鬼死耐嘛, D味都走晒啦. 同埋買大粒既係平過買一樽樽已經磨好既黑椒粉的.
其實個磨粉器係可以用時用黎打肉碎的, 但係我唔鐘意D油既野同唔油既野用埋同一個器皿, 而肉餅我係要工人自己DIR 的, 所以都無需要用黎打肉碎, 再講, 我亦仲有一個細既電攪伴機, 所以我覺得用黎磨粉/磨D配料最正, 因為我部機長期放係檯面的, 所以隨時用都好方便, 好似亞嗲上次整蒜蓉蒸開邊蝦, 佢醒起用呢部機就唔駛DIR蒜頭DIR到手軟啦(佢吹水DIR左成個大既蒜頭!!!).
佢而家減價只係賣$590, 做到11月14號咋!
*下圖既磨粉器係我剛剛影既相, 因為買機時無諗過佢咁有用, 所以當時無影到. 呢個磨粉器已經用左1年零10個月了, 都仲ok新淨是嗎!
** 有需要借會員#既blog友, 請以私人回應留言或留你的email address.
謝謝！請問部機襟用嗎？我係baby kingdom見有人話用左一年，刀片鬆左，近刀片位啲膠有裂紋。佢仲話用時會有機器味，請問你有冇這情況？
回覆刪除另外，我仲想問榨果汁如果唔加冰係咪會好暖？我朋友用德國寶，佢話打果汁唔加冰的話，杯汁約三十幾度，請問empress 係咪差不多？因為我雪櫃細，唔夠位整咁多冰。
多謝指教^^!
[版主回覆06/10/2012 10:55:02]我部機買左2年幾, 我諗可以定義為襟用啦. 我部機到而家都無問題, 刀片無問題, 亦無機器味, 我諗買電器既野都係撞手神啦, 同一個牌子咩電器都有人話好有人話唔好的. 你見我最近都用佢黎磨黑椒粉.
打果汁, 若你用一部高速既機既話不論任何牌子, 都一定要落水的, 因為高速即係會產生高既溫度, 高溫度對打果汁係唔好的(詳細係點樣唔好唔記得左了, 因為我那時都係聽人講的), 所以就要加冰去降溫. 呢個係原理問題, 唔係牌子既問題. 我之前每次都係整2, 3杯果汁, 所以用既冰相對又少D啦. 你整成JAR果汁就一定要用多D啦.