淮山南北杏海底椰貝川果皮蜜紅棗鱷魚肉湯

係個湯名都見到晒D材料啦, 秋天要煲俾2隻野飲, 費事轉天氣佢地又借D耳黎料.

材料(全部材料我只係大約落, 無量過的): (這是煲好之後4碗湯既份量)
1. 南北杏 適量
2. 川貝 適量(不能太多, 因有毒的)
3. 薑                                 一片
4. 淮山                             4 - 5片
5. 蜜棗                             2粒 (湯包封面的原湯譜是沒有的, 因第一次煲完2隻野話苦, 所以我
  係第2次加2粒密棗落去, 出黎2隻野都話無苦了)
6. 果皮 1角
7. 海底椰 1兩
8. 鱷魚肉 2兩

做法:
1. 用水浸淮山半小時(去左D 流黃), 沖淨備用.
2. 用水浸南北杏, 蜜棗及果皮, 洗淨備用.
3. 水滾後將所有材料下水, 再滾之後中火煲15分鐘, 然後轉細火(水一定要滾起的)再煲多1小時45分鐘便可加鹽飲用.