即叫即開生蠔, 有3種.
每位送一杯三色冰, 幾好飲架, 椰汁味濃.
3種唔同既蠔, 我最鐘意食係最細一種. 但係我唔鐘意d 鹹水味, 但係........咁樣其實係新鮮既表現, 所以我揀左無咁重鹹水味但蠔味又濃d既. 呢隻細.蠔無咁膩, 所以今次可以破左我既食蠔記錄, 之前最高食左12隻, 今次足足食左20隻.
長腳蟹同埋琵琶蝦, 好大隻呀, 啖啖肉, 飽晒. 今次d長腳蟹好肥好大隻好多好多肉. 超正又鮮甜.
再攞多4件!!
呢碟係第 3 round蠔啦, 第 2 round 攞左 3隻, 但係無影相.
d 三文魚我嚴佢唔夠凍, 所以一般, 我食左2, 3件, 幫亞嗲清埋隻碟佢咋.
酸辣鳳爪係我既至愛, 但係........太辣啦, 食唔到.
最後 1 round蠔, 我一個人食左20隻...............回晒本. 但係亞嗲只係食左一隻, 佢話好腥喎, 煩人(我一d都唔覺得腥, 都唔知佢腥咩野)!! 可樂任飲的, 其實仲有忌廉可以揀的.
亞嗲話隻朱古力醬唔好食, 所以佢只係食左入面d 餡就算了.
件班蘭蛋糕亞嗲話好食, 個荔枝果凍就香荔枝味, 有清膩作用, 食左好舒服. 白色既係燕窩糕, 但係..........無咩味的, 所以食兩件就收檔. 個tirimisu 好正, 我再encore左2杯.
個香茅燉蛋.........d蛋唔夠滑同埋..........凍的, 我比較鐘意正統熱辣辣既原味燉蛋. 木糠布甸(定蛋糕?? 唔記得左lu)一般啦, 不過因為我自己本身唔鐘意食的, 係亞嗲叫攞, 最後佢無食過, 我幫佢掃埋佢. 件芝子蛋糕............唔夠芝士味..........硬左d, 所以一件又收檔. 朱古力mouse............. 我嚴佢mouse唔夠多, 人地一杯杯咁, 正好多, 面頭那一層朱古力我覺得多餘左, 因為我鐘意食mouse, 唔係想食朱古力. 那粒士多啤梨酸的, 所以.........呢碟野無一件我有encore到.
encore tirimisu 2杯 + 試埋一杯伯爵茶xx (我唔記得左個夠啦), 杯新野個味無咩特別.
呢d 生果係亞嗲攞既, 佢食食下先記得影, 但係佢無話好食, 所以我無攞黎食. 番到黎而家問佢先知原來d西瓜好甜好好味, 頂佢, 當時又唔出聲, 等我無食到添!!
唔好講笑, 今次真係食左好多野, 我食完之後先慢慢覺得飽................一路行一路開始有想嘔feel, 原來無的............. 想嘔唔係因為太飽而係........膩.........再加埋有少少眼訓 (食得太飽既最高境界係會眼訓架, 我成世人食咁多次好飽, 都只係試過一次, 嘩, 個次好彩係屋企咋, 真係一食完就要上床坐係到(因為唔郁得啦), 一坐係度就係咁打咸露好想訓(標晒眼水個隻)........過左半個鐘至9個字先過左氣好番咋), 應該係太多cream既野頂住..............好彩後來慢慢 urrrr 到d氣出黎, 根住成個人舒服番晒. 個肚好似有左4個月咁大..............勁!!
亞嗲今日算係食得多野架啦, 平時.............佢一早就收工啦, 佢都話d 長腳蟹同琵琶蝦正.
沒有留言:
張貼留言