亞嗲好耐都無係正常放假既日子放假啦, 難得今日係公眾假期佢有得放, 所以我地就去左深圳dup骨啦, 一早9點幾出門口, 去到深圳11點, 今日可能係假期, 所以過關多左少少人, 所以遲左2個字先去到. dup完骨, 成個人好倦, 好軟, 因為...... dup完之後d倦發晒出黎, 同埋好肚餓. 所以就去左深水埗, 先去合益泰食腸粉先, 我鐘意食呢度既腸粉, 滑之餘仲要係唔林, 好怕有d腸粉好林好樣衰的, 我地2個人就係食左咁多野, 原本再想叫多碟腸粉, 怕唔夠食, 好彩.....眼闊肚窄, 完來已經差唔多飽了. 食完野又開工, 要買野整屋, 同亞嗲係度行黎行去, 終於買到我地要買既野.
咪以為咁就收得工, 仲要再去太子買個潛水頭, 我地次次都唔識得係深水埗搭咩車去太子的(其實係好近, 只係已經行到好倦, 所以次次都係想搭下車有得坐下, 因為一落車又係要行), 今次行左大半先上左架巴士, 唔夠一陣就落車啦. 係金魚街, 行左好鬼耐都搵唔到本身那個德國牌子, 問到最後那幾間, 亞嗲終於放棄, 因為應該個隻牌子已經無左了(鬼唔係咩, 那個德國牌子既潛水頭可以用成1x年, d舖頭靠佢就食風啦, 梗係唔入啦). 買左潛水頭之後亞嗲話仲有野要買但係唔記得左.....我叫佢睇下張紙啦, 佢又死都唔睇.......好, 算, 反正要買既都係你既野, 買漏都唔關我事!
買完潛水頭就去買我至愛既椰汁..........咦.........呢間野而家渣左好多, 淡晒, 以前次次黎到都買, 下次都唔會再買啦!! 最憎, 一心諗好晒係咩味道, 飲到既係另一回事, 極失望!!
好啦, 真係可以番歸啦, 結速左深深太一日遊啦........... 倦到死死!
沒有留言:
張貼留言