62剛過左身, 托賴既係佢離世前唔駛受太多痛楚(呢點係我最concern的), 有邊個人唔會死架, 人人都有一次架啦, 走唔甩的. 因為我婆病左1x 20年先走, 佢經常都好辛苦透唔到氣, 又成日都要住醫院, 臨死前我餵佢食野, 只係一細匙更仔佢都食好耐, 又食得好辛苦, 因為佢邊食又要邊透氣(佢最後期個肺功能得番正常人既1/10咁上下咋), 所以到亞婆去既時候我無太傷心, 因為對佢黎講係一個解脫, 唔駛再受苦!! 從此, 我對於死亡係化左好多.
62走個晚, 當中有人已提99在家點爉燭, 99話唔駛. 我當時聽到都…打個突, 不過算了, 我出聲99都唔會聽架啦.
第2日我同亞嗲朝早上左去99屋企, 睇下佢點同埋睇下有咩要做分工啦. 講到殯記既費用, 唔知邊個話好似2, 3萬蚊就得了. 有人話包埋副官材, 我話2, 3萬蚊咁平應該唔包啦, 就算包都應該係d最渣既. 99即係話佢個朋友話d官材係唔會燒既, 只係燒條屍, 官材係再用番架, 所以求其就得啦, 唔駛買咁貴的. 我無呃你架. 由於佢當時係望住我講呢句說話(其他人dup低頭無望住佢的), 咁我覺得佢以為我話佢講大話, 咁我咪答佢: 我無話你呃人, 佢地真係燒又好, 再賣番俾人又好, 呢個都唔重要. 最緊要副官材係企理, 加錢就加錢啦, 反正都唔會買到頂級既官材架啦, 呢d係d仔女對佢地老豆既尊重. 99 仲係度講講講(我已經唔記得佢講咩啦, 總之就係唔駛啦, side錢, 副官材係唔會燒既).
我忍唔到口出聲最大原因係, 咩叫做求其啫, 係真係求其既就咩都唔好搞啦. 個老公死左, d仔女辦song事居然叫d仔女求其!! 佢平時做咩都已經係求其都算, 但係呢d野係唔好以架嘛!!
跟住我同亞嗲問好晒殯儀館既大概費用, 咁就同99 & d兄弟姊妹講d資料啦, 當中有問埋破地獄既法事. 99威到一句就話:你老豆上天堂唔會落地獄架. (我聽亞嗲講番出黎時, 我即刻o 晒咀, 我問亞嗲, 你亞媽咁肯定你老豆上天堂?? 咁唔係咁點算呀??) 99又話要用番佢個教黎做法事, 但係佢個教係咩紙扎公仔都唔駛, 金銀又唔駛, 咩都唔駛的. 我唔講你一定以為99係信耶穌啦,但係錯晒, 佢那一個係道教黎的. 亞嗲講番出黎99話紙扎公仔又唔駛, 金銀又唔駛, 我即刻話: no surprise, 咁先係你亞媽嘛. 亞嗲激到彈起. 我話咩都唔駛咁你同你亞媽講明, 第時62報夢話無野食無衫著, 叫你亞媽負責呀, 而家唔係d仔女唔肯做野, 係佢老婆唔俾咋, 要怪就怪佢老婆. 跟住亞嗲去左99屋企, 99居然勁到亞嗲叫佢佢唔彩亞嗲(嬲左亞嗲). 跟住係度繼續講身後事d野, 99又試呢樣話求其唔駛, 個樣又求其唔駛, 其中有個終於忍唔住出聲鬧佢話: 咩都唔駛, 不如咩都唔好搞啦. 99被人鬧完先至sap熟咁係度笑. (唉………人地唔知就以為d野要佢俾錢所以佢咩都話唔駛, 但係其實唔係囖). 而家因為99那個教那邊full晒, 所以就用亞嗲揀既那一間(即係會做埋破地獄法事的), 亞嗲其中一個屋企人即時就叫亞嗲買多d金銀同工人燒俾62(即係佢其實一早都想做呢d法事, 只係唔敢反99咋, 佢地係孝順, 但係…… 都要幫個老豆爭取d權益先得架. 唉, 唔識講). 我同亞嗲講叫佢講清楚晒會做d咩法事俾佢亞媽聽, 唔係一陣間佢亞媽係靈堂發顛就幣!! 我話, 唔想你老豆睇到唔高興.
我同亞嗲去問殯儀野時, 問到駛唔駛點爉燭, 人地話要. 我話, 會唔會係唔同既教就唔同做法, 佢話唔係, 一定要點的. 佢話62而家得番個魂飄下飄下, 若你家唔點爉燭, 咁佢去錯人地第2家既屋企, 人地個地主會向佢潑水趕佢走的, 好慘架. 我地問完野之後, 亞嗲就打俾其中一個屋企人, 叫佢即刻買爉燭去99屋企點著佢. 我同亞嗲講: 你打個電話俾你亞媽啦, 同佢講人地講既野, 唔係到時你亞媽又唔肯點爉燭, 你個屋企人就變左做磨心了被佢鬧了! (最後亞嗲有無打電話俾99我就唔知了, 好彩既係爉燭而家就點左.) 由於發生左好多事有d又濕碎, 所以d次序已經亂左, 所以以下既事就以單一事件黎講啦: 由於初頭99話佢老公一定上天堂唔駛破地獄, 加上又咩叉都話求其唔駛, 所以我就叫亞嗲係62回魂那一晚記住買d 62鐘意食既野上去啦, 亞嗲應左我知道, 跟住又um um尋尋咁話話買多幾碟齋啦. 我話, 咩買齋呀? 你老豆鐘意食既唔係齋喎, 你買咁多齋上去做咩呀? 亞嗲話: 亞媽實要擺齋係度架啦, 實唔俾擺肉架. 我話: 咁回魂一定係擺個先人鐘意食既野喎, 唔係話要擺d唔殺生既野喎. 我問始好嬲: 有無搞錯呀? 連佢鐘意食既野都無得食! 我知齋係好, 但係唔係樣樣都要係齋架, 睇下係做緊咩先得架. 你話拜神用齋好普通啦, 但係而家回魂喎, d野係俾你老豆食架嘛, 唔係俾神食架嘛. 生前已經成日被你亞媽迫佢食野啦(係人都被佢迫過架啦), 死左想食番d佢鐘意既野都唔得. 可能食齋係會有功德好d(其實我唔知係唔係, 我只係搵一個叫做原因出黎), 咁但係佢唔開心, 可能情願功德少d都想食d佢鐘意食既野呢? 而家仲慘過d野係我食咁!! 亞嗲話: 我知, 我明.
沒有留言:
張貼留言