尋晚淨番一份既蘿蔔, 所以今日要開爐整埋佢啦, 呢個不锈網蒸盤一底就搞掂晒, 唔似d膠既蒸盤咁要分開2兜, 所以3個字, 快, 靚, 正!! (唔駛又要蒸好耐)
由於之前整既太陽花年糕好多人都鐘意, 所以都差唔多送晒俾人啦(其實都係得幾個). 又由於我食過少少覺得好清甜, 所以我今日又忍唔住整多半底既份量, 即係上面個3個咋, 新年自己都可以有得食多少少啦. 原來想再整多半底, 因為亞嗲幾個家姐都想要, 但係我真係唔夠精神, 所以都無再整走左去訓晏覺了.
沒有留言:
張貼留言