迷你雞蛋仔 & 迷你格仔餅

買左個迷你雞蛋仔模同迷你格仔餅模, 呢次都唔係第一次整了, 只係經過幾次既改良同試驗, 今次算係比較成熟既成果, 所以可以用機影低佢.  

由於佢係迷你版, 所以我一路係廚房整, 2隻野一路係度食, 我一對手實唔夠佢2把口快啦, 所以........ 又係搵笨既!

個味講真就唔係100%似係街買的, 但係都8, 9成似, 收貨啦.  個效果就做唔到外脆入面軟啦. 仲要多練習先會更好!