| 美麗女波士 紅蘋果 愛神 春之夢幻 鄰家的女孩 紫色的月亮 飄過雲彩 雙面娃娃 愛情帖 白馬王子 八月櫻桃 | 甜心別玩火 永恆的琥珀 彩虹公主 豪門奇譚 蜜糖兒 水晶 幻羽噴泉 霧鄉 金冠天使 織千個夢 青春偶像 |
剛剛係bk 睇到一個post, 係講岑凱倫既書, 岑凱倫一個好熟好熟識但又已經遺忘左既名字.......... 睇番d書名, 好多本我都睇過.諗番起好多個時既野, 但係我唔想時光倒流番番去讀書時期啦, 夠晒皮了!!
曾經因為佢令我寢食難安, 食唔願食, 訓唔願去訓, 因為追佢既小說追到天昏地暗都唔理, 係都要睇完晒成本先安樂.
仲記得, 當年去vancouver時, 由於我去程係一個人搭飛機, 仲要係長途機, 所以我係出發前一兩日去租左5本小說, 諗住用佢地黎渡過漫長既旅程. 係去程個轉, 好好彩, 我食得訓得仲睇得, 所以真係好快好快就由香港飛到去vancouver啦. 個次真係多得佢. 番黎個轉機, 因為有人同我一齊搭, 所以5本小說最後係睇唔晒.
得閒既話, 我諗我會再租番本黎睇, 睇下而家睇呢d小說同個時睇個感覺一唔一樣先.
搭長程機, pet pet痺完一邊痺一邊
回覆刪除[版主回覆07/05/2011 14:50:00]我都有痺呀, 但係舊年轉左花臣, 係腰骨勁痛, 痛到我死咁滯, 要忍住痛一陣轉第2個姿勢, 咁樣先無事. 舊年去瑞士2程機都係腰骨痛到死..........真係怕怕!
我都係睇過八本岑凱倫小說，不過，當時睇又好有憧憬架
回覆刪除[版主回覆07/10/2011 01:02:00]你睇過既全部都記得晒呀?? 我只能夠sure 睇左某d, 有d 就真係唔記得有無睇過. 但白馬王子, 再生緣, 幸運兒, 蜜糖兒, 彩虹公主, 永恆的琥珀, 淘氣紅娘, 幻羽噴泉, 金冠天使, 8月櫻桃, 呢d我就肯定我有睇過.