我買左之後, 都繼續研究下其他 2部機的.
我去左工展會 2次, 係佢地個 counter前睇佢地示範. 我覺得每部機都有佢既好處. 如 x 夫人, 佢可以格渣, 有水喉位方便倒 d野出黎(但洗呢個水喉位都係一個問題, 怕d 污糟野積係度遲d有菌); x 國寶可以講明不斷咁打, 令佢不斷加熱( x 國寶都無得格渣的). 呢d都係佢地既優點.
Empress 無得格渣, 亦無講明可以不斷打黎達到加熱既效果, 但係我而家試緊將佢不停咁打到超過 3分鐘了. 原本佢條片只係成日叫人打 1分鐘. 我唔知佢係想強調部機勁定係真係 max只限打 1分鐘. 所以都係我自己膽博膽咁冒住燒機既風險黎試咋, 因為我搵過本說明書無講可以不停咁打幾耐.
雖然佢有呢d 唔好處, 但係佢勝在夠勁(轉數 - 佢既介紹片講約有25,000轉至 30,000轉), 同夠平. 因為其他 2個牌子既機賣 2xxx蚊 (唔講 x 夫人貴的 model, 平既都要呢個價錢). 其他功能, 呢部empress都做到的, 甚至乎可以攪埋肉, 磨埋粉tim, 其他機無呢d功能的.
基於上述所講的既情況, 價錢就係最大既考慮因數. 我成日都覺得, 我情願俾 2xxx蚊去買幾部機玩好過. 2xxx蚊 可以買到一部光波爐 (計你買 x 國寶那部, $1200), 一部麵包機 $780 (無特價既 kenwood bm250) 再加呢部 express ($664), 夾埋都係 約 $26xx. 若買x 世通那部光波爐($399)成個組合只係 $399 + $780 + $664 = 約 $1900 咋. 我買多部 座檯打蛋機都得啦.
再講, 我係d 懶 ling d 野去維修既人, 通常d 維修中心係新界, 我ling去整, 來回車錢都起碼 $50 x 2 (ling去整一次, 整好取貨又一次), 未計檢查費 少極都 $100啦, 咁即係過左保養期既維修成本係 $200 (我假設係咁平咋), 我買部新既唔駛煩啦. 若買部 $2xxx蚊既......一定要整啦. 係bk 聽到有媽咪話問過 x夫人那個刀, 若要配番把刀要幾多錢, 個sales話要800蚊, 因為無得單配把刀, 係要成個壺 (連刀)配個新的. 800蚊............夠我買部新既express啦.
當然, 有d人一定要用名牌野既, 所以各人既喜好唔同啦. 我就講求實際啫. 亦明知自己咩都想試新野, 玩得2年, 有新野, 我都可以大條道理換機啦. 唔係邊有咁多野玩呢??
請問系邊度買嫁
回覆刪除你好, 我也有買到empress, 但兩次打芝麻糊都發生意外, 成個蓋飛了出來, 唔知你可唔可以幫我看看說明書, 有沒有說不可用大滾水, 我懷疑是氣壓問題將蓋迫出. 還有, 你用機時會否在蓋頂有風送出, 是否頂的透明蓋不可蓋太實, 要比佢排氣
回覆刪除[版主回覆02/04/2011 23:23:00]我的說明書掉左好耐啦, 同埋說明書也沒有提及可以定唔可以放大滾水的.
我放大滾水一定唔會come蓋架(透明蓋唔會come), 因為熱水會令到壺入面既熱空氣增加, 熱空氣填滿晒個壺時就會彈晒出黎啦, 加上冷縮熱帳, 所以一定要留有出口俾d 熱空氣走出黎架. 你可以睇下我既片, 我次次都無come 個透明蓋架. 我只係會用濕毛巾come住佢等入面d 水唔會飛出黎咋.
我睇你所講, 我諗到既就係呢個問題. 你再試下啦. 我唔come透明蓋用就無問題喎.
thanks for your help, i will try again
回覆刪除