檸檬烤雞

今個weekend 唔想整蛋糕啦, 因為整個幾鐘先整得一個, 食就唔駛5分鐘就食晒, 都唔啱數既, 所以罷工啦.
 亞嗲問我今日整咩蛋糕, 我話無諗過整喎. 佢話點解呀? 我話整到隻狗咁得嗰兩啖咋. 佢係咁叫我整, 我死都唔肯.

好耐無整過成隻雞啦, 所以就整番隻先. 今左叫工人洗完都仍然未知道整咩烤雞好, 心入面其實就偏向整呢個檸檬烤雞既, 只係仍然三心兩意, 睇下有無更好既選擇. 但係我掛住上網, 無時間搵食譜, 所以都係整番呢隻啦. 初頭諗住好多野要整, 點知...........用部empress 機打爛晒d 原粒黑椒, 快到無朋友, 我真係只係禁左個制3, 4下(禁一下就停, then 再禁)就打到咁了. 我平時用個野黎用手磨的(那個野買番黎都6x蚊呀好似), 慳番好多力水同時間, 呢部empress 可愛之處就係呢度,
多用途嘛!

黑椒碎 (屋企淨番3/4 table spoon既原粒黑椒咋)+ 鹽 (1 table spoon)

香草成5, 6種 (屋企有咩落咩) (每樣 1 tsp)

整完出黎都費事斬了, 用較剪剪就算.  今次無上次醃左幾個鐘咁耐, 所以個鹹度剛剛好.  我醃個雞腔醃左3個鐘度啦, 個面就醃左20分鐘度咋.  佢地個個都鐘意食. 亞嗲又係講嗰句, 聖誕節整呢隻雞做聖誕餐啦. 我都費事答佢, 心諗, 聖誕節先算啦.

今晚食咩餸

1. 檸檬烤雞

2. 薑蔥炒蟹

3. 蠔仔煎蛋

4. 勝瓜炒鮮魷

5. 南北杏蘋果雪耳湯

無啦啦打籃球

N咁多年無打籃球啦, 前幾日亞嗲同2隻野去打完話出一身汗好舒服, SO 尋日就同2隻野去玩啦, 玩得咁上下, 亞嗲就放工黎搵我地一齊玩.

小冰係球類殺手, 馮球俾佢點都死梗的.所以叫佢拍波拍住行一條直線, 衰左既就要罰兔仔跳, 跳左幾次, (個衰女包第2朝話我搞到佢隻腳痛喎). 

我同大兵一隊, 亞嗲同小冰一隊比賽, 我那一隊大勝11:5, 當然啦, 那隻衰女, 俾佢企定係度, 無人去搞佢, 都射唔到波, 真係想死!! 

由於真係太耐無運動啦, 所以我都唔願去追波, 由得大兵去搶佢老豆個波算了, 我通常係負責射波(因為可以企定係度唔駛走嘛). 頭一兩次都唔入, 跟住就黎料啦,當我穿針時, 亞嗲同大兵都話:嘩.......... 因為佢地覺得我就黎行都行唔郁(平時無做運動嘛),所以無可能會射得入的,
仲要係穿針喎. 佢地嘩完, 我話: 你當我流架!! 

都真係出左幾多汗下, 所以都OK的. 只係人老左, 唔敢好似以前咁去搶波,
怕整親就費事啦, 人老怕死!! 帶去既水全部飲晒!! 小冰連條褲頭都濕鬼埋添!!