無啦啦打籃球

N咁多年無打籃球啦, 前幾日亞嗲同2隻野去打完話出一身汗好舒服, SO 尋日就同2隻野去玩啦, 玩得咁上下, 亞嗲就放工黎搵我地一齊玩.

小冰係球類殺手, 馮球俾佢點都死梗的.所以叫佢拍波拍住行一條直線, 衰左既就要罰兔仔跳, 跳左幾次, (個衰女包第2朝話我搞到佢隻腳痛喎). 

我同大兵一隊, 亞嗲同小冰一隊比賽, 我那一隊大勝11:5, 當然啦, 那隻衰女, 俾佢企定係度, 無人去搞佢, 都射唔到波, 真係想死!! 

由於真係太耐無運動啦, 所以我都唔願去追波, 由得大兵去搶佢老豆個波算了, 我通常係負責射波(因為可以企定係度唔駛走嘛). 頭一兩次都唔入, 跟住就黎料啦,當我穿針時, 亞嗲同大兵都話:嘩.......... 因為佢地覺得我就黎行都行唔郁(平時無做運動嘛),所以無可能會射得入的,
仲要係穿針喎. 佢地嘩完, 我話: 你當我流架!! 

都真係出左幾多汗下, 所以都OK的. 只係人老左, 唔敢好似以前咁去搶波,
怕整親就費事啦, 人老怕死!! 帶去既水全部飲晒!! 小冰連條褲頭都濕鬼埋添!!