尋晚係62回魂之日, 亞嗲已經安排好晒, 要燒既那份野拿左去99屋企, 又叫佢其他屋企人買埋d 齋上去, 教左佢地點樣燒d野同擺d野. 最後亞嗲出門口前我見佢有袋野要拿去(去99屋企等佢老豆回魂), 我問佢咩黎架(因為理論上無咩要帶去啦), 佢話係燒肉同另一樣野食. 我話, 你做咩買燒肉呀? 你唔怕你亞媽鬧呀? 佢話: 唔理佢啦, 照擺啦. 跟住我特登加多句: 一陣你亞媽發顛你就知味道.
好啦, 到亞嗲番黎, 我問佢有無異樣呀? 佢話無咩喎, 但係就耐唔耐聞到d酒味攞(因為要擺3杯白酒係度的), 係耐唔耐個隻喎, 唔係成日. 我話, 即係好似d人郁過杯酒long過入面d酒, 所以有酒味個種呀, 佢話係呀. 我話屋企呢邊無異樣呀, 我一路留意都無咩特別野發生呀, 又唔見有飛鵝.
亞嗲係度話, 早知殺d粉係個地下度睇下啦, 我話, 你前世未俾你亞媽鬧過呀? 佢話怕咩啫, 我話你整污糟個地下嘛, 你唔抹番佢咪一定係佢抹啦, 佢點會唔鬧你喎!!!
我問亞嗲佢亞媽有無鬧佢買燒肉, 佢話無喎. 我話, 可能係你亞媽見都差唔多夠鐘你老豆番到黎所以唔敢話唔俾擺你老豆鐘意食既野, 怕你老豆搵佢算帳. 亞嗲話: 可能係啦. (唉, 人地老婆, 人地亞媽, 既然最尾你都係俾人擺肉既話, 點解唔一早俾呢? 咁樣可以買多d 你老公鐘意食既野俾佢食嘛!! 而家搞到我老公好似做賊咁, 靜雞雞買, 買左都係臨夠鐘先擺出黎局你無得say no, 佢都唔敢買得多! 我諗你老公睇到都好唔開心! 點解要搞到佢咁唔開心呢?!!)
沒有留言:
張貼留言