一個人既離世係另一個問題既開始 - PART 3

前兩日亞嗲放假同左99及其他屋企人去揀棺材, 最後揀左要加錢既. 我好出奇問亞嗲, 你亞媽唔係話求其得咩? 點解而家又會肯加錢改第2副既. 亞嗲話, 佢根本都唔知道要加錢, 佢以為放係度咁多副都係一樣價錢任揀. 我話: 唔怪之得啦!

後來又去左agent度揀壽衣之後再傾出殯既野點做. 人地問個仙人係食齋定食雜架, 咁亞嗲答話食雜既. Agent話咁係靈堂唔駛擺齋啦(因為d野係俾仙人食架嘛, 佢既然係食雜咁就當然就唔擺齋啦). 但係99死都話要擺齋唔可以擺肉, 所以人地個agent就唯有按order辦事啦. 後來亞嗲係電話度同我講時, 我話: 人地都話問個仙人食咩架啦, 咁肯定係擺黎俾仙人食架啦, 咁你又由得你亞媽夾硬擺齋呀! 亞嗲話: 費事佢(即係99)又嘈啦. 另外, 人地係度講燒金銀, 99又話唔駛咁多啦, 得啦得啦咁.(62要番黎尋仇去搵佢老婆就得啦, 唔好點錯相搵其他人呀!!)

我決定左唔會再由佢地呢d野, 因為人地個老婆都唔理個死鬼老公既感受, 唔理佢夠唔夠錢用; 人地d仔女(當時唔止一個係現場)亦無人出聲幫個老豆去fight, 咁我呢個外姓人理佢咁多做咩呢? 做埋d醜人但都唔會有人覺得你係做好事囖(佢亞媽只會覺得我同佢作對). 加上我都病左成個禮拜自己都好倦, 有時間我都理我對細路好過(我病咁耐加埋要做呢d野, 所以都無理過佢地). 決定左放手之後個人無之前咁嬲咁激氣, 所以呢個係明智既決定!!

到夜晚, 放工同亞嗲通電話發覺佢係街, 我問佢做咩仲唔番屋企, 佢話今日做頭七法事呀.  聽到之後先發覺, 咁快就頭七啦(咁快就已經走左7日啦), 完全都唔記得左添, 但係我自己都好倦(m黎不特止又流鼻血又感冒, 食左抗生素晚晚都半夢半醒), 所以唔去了, 番屋企斗下. 亞嗲去左番黎話個法事感覺都幾好, 做左個半鐘. 再講講下亞嗲話有個釋迦牟尼係度的, 我話咁咪即係佛教囖, 佢話唔知呀. 我話: 白痴, 釋迦牟尼咪係佛教架囖. 我話: 初頭以為係道教既法事黎添, 因為話做呢個法事既屋企人係信道教的, 所以奇怪點解而家會變左做佛教既法事. Anyway, 大家都係出心想62好啫, 對我黎講咩教都ok的, 只要係導人向善既就係好既教.  希望62聽到d經文可以安息啦!

尋日亞嗲放工之後去左99屋企, 係度執62既衫, 要黎放係棺材喎. 亞嗲呢排日日都撲黎撲去, 見佢都幾倦下(又怕我傳染左d感冒俾佢).  不過, 佢成世人係得呢次最辛苦囖, 平時做到隻狗既通常都係我唔係佢, 所以等佢去做下啦.