節瓜冬菇肉絲湯銀針粉 - 附食譜

呢個粉係幾年前我去亞叔屋企佢煮既lunch黎的. 我亞叔煮餸好勁的, 佢煮出黎既野真係好似酒樓咁好食, 賣相亦都係咁靚, 但係當然就乾淨企理過酒樓好多啦.

個次我問左亞叔點煮之後,番屋企自己試下整,又ok喎,而家呢個粉亦變成我屋企既favour tim. 當我懶既時候,佢亦係我既最佳拍檔!

食譜

材料:

1. 節瓜       2個(中碼)

2. 梅頭瘦肉   $15 (切絲)

3. 冬菇       視個人喜好(切絲)

4. 銀針粉     1斤半

5. 雞粉       適量(必須品)

做法:

1.    先將冬菇浸透後切絲(浸冬菇水備用).

2.    梅頭瘦肉切絲後,落糖、鹽、豆粉後放入雪櫃醃最少30分鐘.

3.    銀針粉買回來後沖沖水, 格水備用.

4.    節瓜切粗條,備用.

5.    燒熱油後將瘦肉落”wok”炒至半熟.

6.    再燒油將冬菇炒至聞到香味後落節瓜條炒一陣,落少許鹽炒勻.

7.    將半熟的瘦肉放回wok內再炒勻,加入浸冬菇的水,然後加水至適量份量(要預多d水因要滾成20分鐘的,所以一定會走左d水). 水滾後落雞粉,蓋上wok蓋滾20分鐘.

8.    試味,唔夠咸落鹽. 若唔夠味就落雞粉.

9.    試好味後加入銀針粉,待水滾後見銀針粉轉至透明便可熄火.

經驗之談:

1.    煮這個粉無雞粉就真係唔好煮,實唔夠味的(因為好多湯).

2.    記住要先將瘦肉炒先. 落鹽一定要在無瘦肉的時候落,這樣d瘦肉便不會過咸.

3.    節瓜同d粉都將d湯索晒味,所以好好味的.

4. 其實你鐘意落咩材料都可以的. 我有時會加蝦米,有時又會用鮮菇.隨個人喜好.