由於個冰箱俾亞嗲搞到差唔多爆, 所以就好似8號風球打到黎咁, 想清D野佢啦, 費事一陣2隻野關唔實度門D野溶晒, 到時就大镬了。
呢盒帶子由農曆新年前到而家都未郁過, 原因好簡單, 就係唔知點煮, 怕浪費左D野嘛!!! 但迫到埋身時都無計, 一盒有成30粒, 所以分好3份, 今次先煮一份試下先。
一路都諗住上網摷食譜, 點知, me me mor mor 搞到完全無時間去摷, 無辦法啦, 咁唯有駛出我既強項……………膽粗粗亂黎啦。 記象中係街食過係有D咩就試下用黎煮啦,加D乾蔥, 蒜頭, 薑呢D野黎炒. 煮完出黎又出奇地OK喎, 幾野味喎。 下次可以繼續呢個方法再煮埋其他2份帶了LU。
今日無啦啦買左兩隻新鮮雞, 煲湯兩隻又多得滯, 但係若留番第二日先煲又好似好白痴咁, 新鮮雞都變左冰鮮雞啦!! 最後就將D多肉既用黎蒸, 餘下一隻有多既雞就用黎煲湯, 所以D湯更鮮甜啦!! Yummy!!
下面兩張相就係今日D帶子未變身前既樣啦! 煮完都縮左起碼1/3水呀!!
一年之中, 唯有係復活節假期先至係真正既假期, 唔駛好似CNY咁又要執呢樣個樣, 買呢樣個樣, 準備呢樣個樣!! 又唔駛好似中秋, 做冬等等要食飯!! 又唔駛好似聖誕咁要去玩!! 難得可以完全唔駛同人接觸, 可以靜靜地係屋企休息下, 又或者係一家四口鐘意去邊就邊(當然啦, 因為95%去邊到都係我話事的, 亞嗲從來都無所胃(定係無好提意呢??)!
今個復活節我同亞嗲全程都係分房訓, 原因係亞嗲都繼續要番工, 所以我就叫佢去小冰張床訓, 咁樣可以俾我訓晏D, 唔駛佢嘈醒我. 而小冰就好開心咁搬家, 將佢D枕頭呀, 被呀, D公仔呀搬晒過黎.
第一晚成鬼日被佢踢到我, 所以醒左幾次, 又見佢”負”晒D被, 所以又成鬼日要同佢被番好. 第二朝起身時鬧鬼佢啦, 叫佢訓得好D, 咪成鬼日踢人啦.
第二晚又係咁. 到第三晚訓之前, 開始慣左要被佢踢啦. 點知嗰晚個死野仲狼死, 訓訓下想訓上我塊面度, 我即刻推鬼開佢啦. 係佢想訓上黎我塊面既時候我係醒左, 所以睇得好清楚佢係訓緊的, 而當我推開佢之後, 佢仍然係訓緊, 成個過程完全無醒過, 變態的佢就訓到死豬咁, 難為我就眼光光訓唔著!! 第二朝又鬧個死野啦, 佢一聽到就笑到停唔到口!! 哼!!