復活節假期

一年之中, 唯有係復活節假期先至係真正既假期, 唔駛好似CNY咁又要執呢樣個樣, 買呢樣個樣, 準備呢樣個樣!!  又唔駛好似中秋, 做冬等等要食飯!! 又唔駛好似聖誕咁要去玩!! 難得可以完全唔駛同人接觸, 可以靜靜地係屋企休息下, 又或者係一家四口鐘意去邊就邊(當然啦, 因為95%去邊到都係我話事的, 亞嗲從來都無所胃(定係無好提意呢??)!

 

今個復活節我同亞嗲全程都係分房訓, 原因係亞嗲都繼續要番工, 所以我就叫佢去小冰張床訓, 咁樣可以俾我訓晏D, 唔駛佢嘈醒我.  而小冰就好開心咁搬家, 將佢D枕頭呀, 被呀, D公仔呀搬晒過黎.  

 

第一晚成鬼日被佢踢到我, 所以醒左幾次, 又見佢”負”晒D被, 所以又成鬼日要同佢被番好.   第二朝起身時鬧鬼佢啦, 叫佢訓得好D, 咪成鬼日踢人啦.

 

第二晚又係咁.  到第三晚訓之前, 開始慣左要被佢踢啦.  點知嗰晚個死野仲狼死, 訓訓下想訓上我塊面度, 我即刻推鬼開佢啦.  係佢想訓上黎我塊面既時候我係醒左, 所以睇得好清楚佢係訓緊的, 而當我推開佢之後, 佢仍然係訓緊, 成個過程完全無醒過, 變態的佢就訓到死豬咁, 難為我就眼光光訓唔著!! 第二朝又鬧個死野啦, 佢一聽到就笑到停唔到口!! 哼!!