1. 人參雞
2. 白灼蝦
3. 即食海蜇
湯: 節瓜咸蛋肉碎湯
2013年6月17日 星期一
2013年6月16日 星期日
小冰D中文真係....................正到爆!!! (經典二)
經典二
呢個係最近先發生既, 派番篇中作番黎, 因為要簽名, 我見D分數都OK, 所以就成篇睇下啦. 篇文係講一隻雀仔媽媽為左搵野食俾佢隻雀仔BB被隻麻鷹追佢而令佢受左傷. 咁隻雀仔BB就自己去搵野食啦, 一路都好正常,
D情節亦算緊湊.但係成件事去到以下既部份就起左一個突變了:
隻雀仔BB去搵野食, 無幾耐, 佢見到大麻鷹係附近, 隻雀仔BB好驚會好似佢媽咪咁被大麻鷹追甚至係被殺, 所以雀仔BB就急忙逃走. (係呢個時候, 我心諗, 點走都無用啦, 佢實唔夠麻鷹飛得快啦,
死梗) 雀仔BB好快就成功逃走了, (原因係……………………) 因為隻大麻鷹係盲既, 所以佢睇唔到雀仔BB, 所以隻雀仔BB就可以走得甩啦.
我睇到話隻麻鷹係盲既時候又大笑, 因為……………變態的, 邊有可能無啦啦寫隻麻鷹係盲架, 我真係唔知小冰個腦點樣諗野的, 完全唔LOGIC同埋9唔搭8.
我睇到勁笑, 我又遞俾大兵睇, 我話好笑架. 大兵即刻展露一D好期待既笑容搶左張作文去睇. 佢睇完又係笑到死咁, 因為實在太白痴了, 頂佢唔順!!
小冰D中文真係....................正到爆!!! (經典一)
小冰D中文真係屎到爆, 真係令我好頭痛, 佢D中文真係差到我要寸佢: 人地唔識你老豆老母, 真係以為你係鬼妹囉!! (因為無理由一個係香港出世長大既香港人D中文會差成咁!!! 真係奈晒何!!)
最近, 小冰就有D真係笑到你死既經典出現. 我同大兵睇完都笑到碌晒地. 而家將佢記低, 等將來重溫!
經典一
小冰要做一份中文工作紙改正, 佢唔識做, 所以問我. 我當時唔得閒, 就叫佢問大兵先, 點知我聽到大兵笑到死咁, 咁我以為佢地係到玩啦, 就鬧佢笑咩鬼呀!
大兵: 唔係呀, 好好笑呀!
我: 改正會有幾好笑呀?
(跟住我搶左黎睇啦)
我真係無EXPECT過我自己都笑埋一份的, 因為………………功課之嘛, 但係我睇完真係笑到噴飯(好彩唔係食緊飯, 飲緊水咋)!
個條題目, 前半部係寫咩波濤洶湧, 碧波盪漾 是但4個字(因為重點不在此, 所以唔係好記得), 而後半部就係要佢地用擬人法去續寫. 當時我腦入面已經有PICTURE係到, 仲一路讀一路諗住話下半句寫: 海浪像巨人般迎面撲過來.
點知小冰續寫個部份就寫左, “就像有一萬枝鉛筆飛過來.”
好笑既係…………….
點解講緊波濤洶湧, 無啦啦關鉛筆咩事呢?? 超級9唔搭8啦!! 另外, 點解要跨張到成萬枝鉛筆咁多呢?? 我想像唔到成萬枝鉛筆飛埋黎既場面, 因為真係死梗架喎!! 同埋………………寫野點有可能寫到咁呢? 咩情節都唔會出現到有一萬枝鉛筆飛埋黎架!!
我同大兵都笑左好耐先停得到. 好啦, 到我笑完我問小冰(因為係笑到講唔到野)點解會咁樣寫, 小冰話因為佢見到格離位寫”好像有萬枝箭射向我”, 咁佢為左唔抄到人地十足十, 所以就將萬枝箭改左為萬枝鉛筆. 但係佢又死蠢(因為佢D中文真係勁到爆炸), 佢無諗過, 轉左2隻字但出黎既效果係完全完全兩碼子既事的, 變成左一個笑話. 我地笑到死既時候, 其實佢都唔係幾明我地笑D咩架(死未)!!
2013年6月10日 星期一
2013年6月9日 星期日
今晚食咩餸 - 2013年6月8日 海鮮餐
今日洗完牙後同亞嗲去左附近的一個街市買餸, 一入去就買左菜心, 然後就落去魚檔睇下有咩買. 去到一檔最搶眼就係D好大隻既聖子, 個腦即刻諗起好好味既豉椒炒聖子所以就好想食啦. 但係我仲係好清醒, 所以我即刻同亞嗲講: 我唔識煮喎, 你煮呀? 亞嗲話: 好呀. 然後就仆鎚買啦,呢到係約一斤3兩到啦.
買完聖子原本行左去的, 但係我同亞嗲講, 買唔買龍蝦食呀? 亞嗲話: 你想食呀, 買囉, 不過我唔食喎. 我: 之前應承左佢2個食芝士龍蝦嘛. 跟住就揀左2隻啦. 跟住我同亞嗲就進行拉鋸戰, 亞嗲係都話要買肉, 我係都唔想買肉. 亞嗲問我, 咁唔買肉食咩呀? 我話: 梗係買魚食啦, 我今日唔想食肉呀. 然後我地又行左去一檔到睇D魚, 最後就揀左呢條. 好彩買龍蝦時那個亞姐俾左好大舊雪我地, 否則就大镬了, 因為買完餸之後又去左睇鞋, 未睇鞋前又去左買褲, 又試左幾條. 跟住睇鞋, 亞嗲係到試左好鬼死耐, 我要一路拎住企係舖頭外面等佢(唔係齋等佢, 係一路等, 一路又要同佢睇邊對好, 邊隻色唔好!!!) 足足玩左一粒鐘, 之後已經差唔多6點, 所以趕頭趕命番屋企整餸, 最後成8點幾先食得飯!!!
D龍蝦由於唔知要焗幾耐(因為第一次整又唔識整, 都係斷估鐘意落咩就落咩去整咋), 所以焗得耐左, D肉鞋左.
同埋超唔夠芝士同牛油, 下次再整一定要起碼DOBULE
或者TRIPLE 上先得!!
D聖士亞嗲又係炒得老左, 有D UN. 但個汁既味同街食既差唔多, 下次再整我諗會好食D. 成晚最好食既就係條魚, VERY 滑, 所以成條清晒.
呢餐就買左$300餸啦!!! 最貴係D龍蝦仔, 2隻$150 (100斤), 聖子一斤唔貴, $56, 所以呢到$70.
