前幾日我係網上睇到人地話買OREL2包送一包朱古力, 諗住去買, 但係轉頭又唔記得左(可能買左都唔係我食既關係啦). 跟住今日又再見到人地講, 仲話仲有得送添. 又咁橋我行過萬寧問佢有無, 佢又話有, 咁就...............係你地見到既畫面囉. TOTAL 買左12包OREL, 所以送左6包朱古力. 真係超抵呀!! 因為包朱古力要3X蚊的, 亞嗲都話要30蚊呀. 個晚俾左一包個管理員, 之後問我媽要唔要(佢話唔要).
一星期後, 我媽係我屋企幫我執野, 跟住同佢講電話時, 佢話:好心你下次唔好咁痴線買咁多啦, 我見到有D 9月到期的. 我: 咁好平嘛, 買2包餅送1包朱古力, 包朱古力要30蚊架. 媽: 幾平都要食得晒先得架!
到今日6月2日我CHECK下個STOCK, OREL餅淨番4包咋, 朱古力就有4包幾............ 邊駛9月先食得晒呀!!! 我係買得多, 但係2條友仔食得仲多呢, 小冰一個TEA都可以食5包(細)啦, 即係成半包大架. 唔趁平買, 我破產啦.
沒有留言:
張貼留言