一張相係一個人晚餐食既野(豬排係跟其中一個雲吞麵的). 4個人食左10樣野!! 亞嗲因為要飲中藥, 所以只食菜飯, 否則唔止10樣野添呀!!
2012年3月31日 星期六
2012年3月29日 星期四
眉豆花生木瓜排骨湯
我地全家都鐘意飲, 小冰好鐘意食呢d煲湯木瓜的.
材料:
1. 青木瓜 1個(約2斤)
2. 眉豆 4兩
3. 花生 4兩
4. 薑片 2片
5. 排骨 隨意
6. 水 12碗
做法:
1. 先將所有豆類用水浸半小時, 洗淨後備用.
2. 將排骨出水後備用.
3. 將木瓜去皮去籽, 切大件備用.
4. 將12碗水加入高速煲後, 再加埋上述所有材料, 大火煲滾至見雙白圈後轉細火高速30分鐘. 排氣之後, 再打開蓋大火煲10 - 15分鐘落鹽便可飲用.
2012年3月26日 星期一
2012年3月25日 星期日
玉桂提子蛋糕- 象印麵包機
材料:
1. 牛奶 30g
2. 蛋 2隻 or 100g (打散佢)
3. 糖 70g
4. 無鹽牛油 70g
5. 低筋粉 180g
6. 泡打粉 7g
7. 提子 50g
8. 肉桂粉 10g
做法:
1. 將牛油從雪櫃取出, 放一陣, 見佢開始溶, 然後將牛油切成小粒(最大係1cm既立方體咁大)備用.
2. 將所有液體+糖放入麵包兜內.
3. 將牛油放入麵包兜內.
4. 將所有粉過篩, 然後放入麵包兜內.
5. 選cake mode, 揀light crust, 然後禁start.
6. 幾分鐘後, 佢會beep beep聲, 你就用把膠刀將則邊d粉篤番晒落去堆麵團到. 再加埋d 提子然後再禁多次start, 跟住1小時25分鐘後個蛋糕就可以出爐了.
2012年3月23日 星期五
香蕉蛋糕 @ 象印麵包機 (全自動整蛋糕)
由於之前整既香蕉蛋糕整在太細了, 所以我將個份量加大佢, 希望整左出黎可以俾亞嗲做早餐同埋我地唔駛咁就住就住啦. 今次呢個份量真係象仔既頂磅黎, 因為焗到後期我"莊"過入面, 見到d牛油幾乎滿到流出黎(仲差0.5cm-1cm到啦), 所以都擔心佢真係流出黎整到部機既底就唔知點算. 好彩, 睇左2, 3分鐘都無事, 咁先行開咋. 到個蛋糕焗完, 怕因為佢太大堆頭會唔熟, 所以又用銀針試下, 又ok喎, 熟晒喎. 咁就拎出黎攤凍佢啦. 之後就切晒4邊比較燶少少既皮, 然後再切開佢, 嘩, 今次可以切到12件呀, 真係正. 咪以為好多, 呢12件已經分晒啦. 亞嗲同我早餐3件(即係6件啦), 大兵早餐就2件, 小冰早餐都係3件, 小冰既tea就1件.
今次呢個蛋糕最正既係d 蕉味濃左, 同埋唔知點解, 今次個蛋糕係鬆d的, 可能係個磅short左, 所以d baking powder係多過10.5g啩(因為個磅初頭唔係好郁). 但出黎既效果係好好喎!! 屋企既香蕉全部無晒lu!! 下次又要睇下整咩蛋糕了!!
材料:
1. 牛奶 45g
2. 蛋 3隻 or 150g (打散佢)
3. 糖 105g (比原食譜減左10g的)
4. 無鹽牛油 105g (比原食譜減左100g的)
5. 低筋粉 270g
6. 泡打粉 10.5g
7. 香蕉 272g (壓成茸)
做法:
1. 將牛油從雪櫃取出, 放一陣, 見佢開始溶, 然後將牛油切成小粒(最大係1cm既立方體咁大)備用.
2. 將所有液體+糖放入麵包兜內.
3. 將牛油放入麵包兜內.
4. 將2/3既粉過篩, 然後放入麵包兜內. 睇住佢攪左約1分鐘之後再逐少倒埋餘下既1/3粉落去.
5. 選cake mode, 揀light crust, 然後禁start.
6. 幾分鐘後, 佢會beep beep聲, 你就用把膠刀將則邊d粉篤番晒落去堆麵團到. 再加埋d 香蕉茸然後再禁多次start, 跟住1小時25分鐘後個蛋糕就可以出爐了.
中銀100周年紀念鈔 - 3連張 - 我今日攞到啦, 好靚呀!!
行緊去銀行之前, 心情真係有d緊張架, 個種緊張係興奮既緊張, 好似上次抽獎抽到3000蚊sogo禮卷行出去領獎時一樣.
一路都預左黑仔既我一定有4, 有7呢d#的. 我仲預埋係454, 757, 474 呢類極衰既#添. 到我收到實物, 一打開黎睇, 嘩, 居然一個4, 一個7都無喎, 真係lucky之中既lucky呀! 個下望住套3連張, 真係好開心架, 覺得佢比睇相更靚, 成套咁睇係靚好多的.
一出門口有2個收賣佬問我賣唔賣, 明知佢都係賤價, 所以只係擰頭就算, 都費事答佢. 亞嗲話梗係問佢賣幾多錢啦, 我話, 都明知佢俾得個5, 6千, 問黎把鬼咩, 反正呢d價錢我都唔會賣架啦, 我一心就係想拎番屋企慢慢再欣賞.
番到去俾亞嗲同佢2個睇, 個個都話靚. 我同佢2個講, 若唔啱價就留番俾小冰做嫁妝啦. 大兵即係話, 點解俾佢呀? 我話, 係呀, 我而家係偏心呀, 鬼叫佢乖呀.
2012年3月22日 星期四
香蕉蛋糕 @ 象印麵包機 (全自動整蛋糕)
\
繼提子蛋糕之後, 又一新作, 香蕉蛋糕, 呢個香蕉蛋糕真係得黎不易呀, 因為我要每日不停口咁鬧人, 先可以留到d 好熟既香蕉出黎整蛋糕咋, 我足足買左3梳香蕉, total 都有成15-16隻的, 因為亞嗲同大兵日日都揀最熟個d黎食, 咁我永遠都無熟香蕉黎整啦, 頂佢!! 今次用番上次既食譜, 但係就改良版, 效果幾好, 無咁肥(其實都成手油呀!!!), 又唔太甜, 而家係少甜版. 但係我嚴d 蕉味未夠濃, 我見原食譜得100g, 我唔夠膽加太多, 所以加到去150g咋, 出黎係有蕉味, 但係可以更濃law, 下次又再加重d料先.
今次個蛋糕焗完出黎係唔能夠倒到出黎的, 上次係幾容易就倒得到出黎架, 今次完全唔得, 要用野整佢先可以出黎, 可能係因為減左牛油份量既關係啦. 今次個蛋糕真係無上次咁heavy啦, 小冰今朝食完一件仲問可唔可以食多件添. 另外又帶左一件放學做tea.
都係嗰句啦, 以做咁少野黎講,個蛋糕算係咁了, 起碼我唔駛做餐死, 又唔駛洗餐死就有得食呀! 所以我係滿意收晒貨的. 而家又好似買左樣新玩具咁, 又研究下佢仲有咩玩先(即係仲有咩蛋糕可以整). 一定要改良既係, 而家整出黎既份量太少, 切晒4邊燶既皮得番5件咋, 3個人食都唔夠分. 所以下次要加大個份量先. 同埋下次我會加番少少鹽的.
材料:
1. 牛奶 30g
2. 蛋 2隻 or 100g (打散佢)
3. 糖 70g (比原食譜減左10g的)
4. 無鹽牛油 70g (比原食譜減左100g的)
5. 低筋粉 180g
6. 泡打粉 7g
7. 香蕉 150g (壓成茸)
做法:
1. 將牛油從雪櫃取出, 放一陣, 見佢開始溶, 然後將牛油切成小粒(最大係1cm既立方體咁大)備用.
2. 將所有液體+糖放入麵包兜內.
3. 將牛油放入麵包兜內.
4. 將所有粉過篩, 然後放入麵包兜內.
5. 選cake mode, 揀light crust, 然後禁start.
6. 幾分鐘後, 佢會beep beep聲, 你就用把膠刀將則邊d粉篤番晒落去堆麵團到. 再加埋d 香蕉茸然後再禁多次start, 跟住1小時25分鐘後個蛋糕就可以出爐了.
中銀100周年紀念鈔 - 今日輪到我去攞3連鈔啦!!
好開心我居然會抽到3連張喎, 平時咁黑仔既我真係無諗過會抽到的, 開心既唔係佢放左可以有錢賺, 而係那一種lucky既感覺. 始終得10萬可以抽到咋, 我屋企人全部都抽唔到(不過佢地抽30連), 亞嗲d 同事朋友都無一個抽到任何野. see, 真係好lucky架.
今日去攞實物啦, 見到我諗會仲開心, 因為渣住實物先無發夢既感覺嘛. 呢套鈔會唔會賣................. 會的, 但係真係要啱價先賣, 唔啱既就留番俾小冰做嫁妝啦, 反正600蚊之嘛, 留番既話我可以一直keep住我既幸運呀.. 至於真係賣得出既話, 我會捐一d錢做善事的, 原因係.......... 我希望唔係得我一個人開心, 希望個少少錢可以幫到有需要既人, 希望多d人開心. 我亦希望多d 賣左呢d 鈔票既人賺左既錢可以捐錢做善事啦, 多少無拘, 最緊要你捐得開心又幫到人啫.
Empress 高功能調理機 (果汁機/豆漿機/熱飲機/磨粉機/攪肉機)又減價呀! 至4月14日咋!
尋日有人留言先知道empress機做緊減價, 尋晚終於收到宣傳書仔見到真係喎. 今次仲抵過上次, 550蚊咋(今次減得仲多過上次). 有需要既人快d去買啦, 減價做到4月14日.
要借會員#既請私人留言.
2012年3月21日 星期三
2012年3月19日 星期一
牛油提子蛋糕@象印麵包機- 附食譜
d 相全部都係熱既時候切黎影的.
由於...........好悶, 又由於好倦, 再由於.........懶, 所以好耐都無整咩野食了. 唔悶得既我又心思思啦, 但係因為小冰又病左, 所以又被佢搞我一大餐, 所以都係唔整. 但係........又真係好悶喎, 最後就揀左之前係bk睇到人地話用麵包機整蛋糕, 而我買左部機成年都未試過整蛋糕, 所以就試下啦(因為之前有人話整出黎好實, 所以印象麻麻). 因為無左工人, 一定會整少左野食, 若試左部機真係可以整到ok既蛋糕出黎, 咁我地又可以多番d野食啦, 唔駛咁悶, 同埋............清左d 粉佢嘛.
原本諗住整香蕉蛋糕的, 但係d最熟既蕉俾人食鬼晒, 得番d無咁熟既, 咁唯有整齋蛋糕啦. 但係.......最後諗起有提子乾係屋企, 所以就掉埋落去啦. 呢隻提子乾幾好的, 一盒盒細細的, 每次我就落一盒, 方便乾淨.
呢隻蛋糕因為牛油量好勁, 所以係好香的, 我揀左light crust 呢個mode, 所以個面d 色係相對淺色少少, 但當成個蛋糕拎左出黎之後, 見到側邊d色係夠晒的, 所以..........下次再整都係揀番light 就ok了.
個蛋糕出黎既texture 係鬆散左d(熱既時候), 所以切時係會切碎個蛋糕的, 即係唔能夠一件一件完整無缺咁切到出黎. 熱食既時候覺得唔夠甜, 因為得極輕微既甜味. 但係第2朝做早餐時就覺得ok夠甜了, 剛剛好. 同埋第2日凍晒時食, 件蛋糕質感會實番d, 有d似莎利蛋糕feel架. 不過因為真係太多牛油, 所以好heavy, 大兵只係拎左一件做早餐咋, 因為佢話好膩喎, 食唔到咁多. 我就將餘下既拎晒番公司, 而家食剩左既就放係檯面, 所以耐唔耐就聞到一陣好香既牛油味的. 真係矛盾, 多牛油有佢既好處, 但亦有佢既唔好處!! anyway, 下次我都會減d牛油, 因為每次食得一件既話, 銷情太慢會影響我整既興趣!
因為呢一個蛋糕, 所以我想買d for 麵包機既書睇下, 有無多d 蛋糕可以整到出黎, 咁樣就可以少功夫之餘又有得食多d啦. 用麵包機整蛋糕, 我只係要量d份量, 打d蛋, 同等佢一陣將d粉整番去堆麵團到, 然後就全程自動波了, 又唔駛洗n咁多野, 所以真係適合d 無工人既mummy架.
牛油提子蛋糕
1. 無鹽牛油 100g (下次我會試下改少d)
2. 低筋粉 180g
3. 糖 80g (我今次改左用70g)
4. 牛奶 30g
5. 雞蛋 100g
6. 提子 隨意 (大約50g)
7. 泡打粉 7g
做法:
1. 將從雪櫃取出, 放一陣, 見佢開始溶, 然後將牛油切成小粒(最大係1cm既立方體咁大)備用.
2. 將所有液體+糖放入麵包兜內.
3. 將牛油放入麵包兜內.
4. 將所有粉過篩, 然後放入麵包兜內.
5. 選cake mode, 揀light crust, 然後禁start.
6. 幾分鐘後, 佢會beep beep聲, 你就用把膠刀將則邊d粉篤番晒落去堆麵團到. 然後再禁多次start, 跟住1小時25分鐘後個蛋糕就可以出爐了.
嗚謝: bk win win815 的分享.