不嬲都買定d 燒豬骨係冰箱的, 前兩日亞嗲個同事又俾左d 菜乾佢(佢同事家姐俾佢的, 但係佢2公婆都唔食既, 但佢家姐係都要俾佢, 所以佢就轉贈左俾我地. 佢而家變左係我地既菜乾供應商, 佢家姐次次俾佢, 佢都打俾我老公叫我老公取貨的. 佢d 菜乾又香, 又乾淨, 真係好過俾錢買呀!!). 一路都無諗住開茄汁豆的, 係突然間飯滾既時候無啦啦想開, 所以就有呢碟餸啦. 而家食既野, 真係好多時係即興的, 所以又稱為9唔搭8餐. 煎蛋就係因為懶, 同埋亞嗲鐘意食, 都好耐無食過所以就煎囉, 小冰唔食得蛋, 所以亞嗲食左2隻添!! 今晚煮左我好鐘意食既磨豉醬炒四季豆, 我唔係鐘意食d豆, 我係鐘意食隻醬, 佢甜甜地好好食的.
1. 磨豉醬排骨炒四季豆
2. 茄汁豆
3. 煎荷包蛋
湯: 南北杏蜜早金銀菜金銀豬骨湯
沒有留言:
張貼留言