今晚食咩餸 - 2011年10月23日

今日工人放假, 所以都唔知煮咩好, 條魚就尋日已經打算今日買黎蒸的.  其他既都好LAST MINUTE 先至諗到煮咩. 原本想整海南雞飯既, 但係最後又無MOOD整, 所以唔整LU. D 湯都係尋晚10點幾上網SEARCH既, 因為想清下雪櫃D野, 所以已經決定煲象拔蚌乾.  最後出黎既係:

1. 清蒸海青斑
2. 蒸蝦
3. 蠔油炒雜菇 (金菇 + 鮮冬菇 + 秀珍菇) (其實用沙嗲炒仲好味但係太耐無煮唔記得左)
4. 蠔油生菜
湯: 淮山杞子圓肉象拔蚌螺頭豬"月展"湯

* 由於我炒好左碟菇同蒸好左d蝦之後先發覺我原來未.............................禁制煮飯, 所以就唯有食住等d煲滾啦, 係全家幅既蝦同菇係已經食左所以得番一咩.  我原先係打算飯滾就開始蒸魚, 因為蒸呢條魚要8分鐘, 咁就差不多同時可以有飯食啦, 點知...............失策...........仲要係我第一下望住個飯煲時係完全唔知道佢未禁制, 只係望住佢, 咦, 飯滾未呢, 仲未有煙既, 於是我打開個飯煲(因為覺我唔係好對路), 妖, 入面完全郁都唔郁下既先知未禁制咋!! 

淮山杞子象拔蚌螺頭豬展湯

尋晚10點幾突然醒起未決定煲咩湯, 所以即刻上網SEARCH啦, 因為打算煲象拔蚌乾清左雪櫃D野嘛.  咁上網搵到呢個, OK啦, 都合用, 但係....我想.......清多D野, 所以又加埋D乾螺頭落去煲啦.

材料:
1. 象拔蚌乾 (我諗係2兩)
2. 乾螺頭 6, 7隻 (我都唔SURE佢係螺頭定螺肉)
3. 淮山 7, 8片
4. 杞子                     隨意
5. 圓肉                     12-14粒(大約得啦)
6. 豬展

做法:
1. 先將#1及#2用水喉水浸軟, 洗淨備用.
2. 淮山, 用水浸半小時, 洗淨備用.
3. 杞子, 洗淨, 浸15分鐘, 備用.
4. 豬展將佢切開幾舊等佢出味D, 洗淨, 出水, 備用.
5. 水滾後將所有材料放晒落去, 用大小小既火先煲佢15分鐘(以水再滾番起計), 然後轉用細火煲2小時(D 火一定要滾起, 但係少少滾便可).